මැදපෙරදිග පවතින තත්ත්වය හේතුවෙන් ඔස්ට්රේලියාව සහ යුරෝපය අතර ප්රධාන ගුවන් ගමන් මාර්ගයක් වන “Kangaroo Route” දැඩි ලෙස බාධාවට ලක්ව තිබෙන බව වාර්තා වනවා.
Emirates, Qatar Airways සහ Etihad Airways වැනි මැදපෙරදිග ගුවන් සේවා බොහොමයක් ගුවන් ගමන් තාවකාලිකව නතර කර ඇති බව සඳහන්.
ඒ හේතුවෙන් යුරෝපයෙන් හෝ යුරෝපයට යන ඔස්ට්රේලියානුවන්ට විකල්ප මාර්ග සොයාගැනීමට සිදුව ඇති බවත්, ඇතමුන්ට දින කිහිපයක් ගුවන් තොටුපලවල රැඳී සිටීමට සිදුව ඇති බවයි වාර්තා වන්නේ.
මේ අතර, ඉරානය, එක්සත් අරාබි එමිරේට්ස්, කුවේට්, කටාර් සහ ඊශ්රායල ආදී රටවල ගුවන් අවකාශය වසා තිබීමත් ගුවන් ගමන් සඳහා තවත් අභියෝගයක් වී තිබෙනවා.
විශේෂඥයන් පවසන්නේ දැන් ගුවන් යානා බොහෝවිට ඉරානයේ උතුරු දෙසින් Azerbaijan සහ Georgia හරහා ගමන් කිරීමට සිදුව ඇති බවයි.
එම හේතුවෙන් ගුවන් ගමන් කාලය දිගු වීම සහ ගුවන් සේවාවල කාලසටහන්වල වෙනස්කම් සිදුවිය හැකි බවද සඳහන්.
විශේෂඥයන් පවසන්නේ යුධමය තත්ත්වය ඉක්මනින් අවසන් වුවද සාමාන්ය ගුවන් ගමන් තත්ත්වයට නැවත පැමිණීමට තවත් දින කිහිපයක් ගත විය හැකි බවයි.
