සිඩ්නි සවුත් ප්රදේශයේ 16 හැවිරිදි දැරියකගේ උපන්දිනයක් ඊයේ රාත්රියේ අවිධිමත් තත්ත්වයකට පත්ව තිබෙනවා.
Kirrawee හි Bounty Avenue හි පැවැති “Sweet 16” උපන්දින සාදයට ආරාධනා නොලැබූ යොවුන් පිරිසක් සමාජ මාධ්ය හරහා එක්වීමෙන්, 500කට අධික තරුණයින් එම ස්ථානයට පැමිණි බවයි වාර්තා වන්නේ.
ඒ සමඟ සාදය පාලනයෙන් ඉවත්ව ගොස් පොලිසිය හා තරුණයින් අතර උණුසුම් තත්ත්වයක් උද්ගත වී ඇති බව සඳහන්.
සිද්ධිය අතරතුර 16 හැවිරිදි තරුණයෙක් පොලිස් නිලධාරීන් වෙත මත්පැන් පිරුණු කෑන් එකක් විසි කළ බවට චෝදනා මත අත්අඩංගුවට ගෙන තිබෙනවා.
පොලිසිය ප්රකාශ කරන්නේ බෝතල් විසි කිරීමෙන් පසු තත්ත්වය පාලනය කිරීමට OC ස්ප්රේ භාවිතා කළ බවයි.
එම තරුණයා ඇතුළු තරුණයින් තුන්දෙනෙකු අත්අඩංගුවට ගත් නමුත්, පසුව ඔවුන්ට චෝදනා නොමැතිව නිදහස් කර තිබෙනවා.
අසල්වැසියන් පවසන්නේ තරුණයින් කිහිප දෙනෙකු අසල්වැසි නිවෙස්වලටත් යන ආකාරය දැකගත හැකි වූ බවයි.
මෙම විශාල පිරිස විසුරුවා හැරීමට පොලිසියට පැයකට අධික කාලයක් ගත වූ අතර, පොලිස් හෙලිකොප්ටරයක් සහ විශේෂ කැරලි මර්දන ඒකකයද මෙහෙයුමට එක්ව තිබෙනවා.
