බටහිර ඔස්ට්රේලියාවේ “සමූහ මරණ” ප්රහාරයක් සැලසුම් කළ බවට චෝදනා ලැබූ 20 හැවිරිදි පුද්ගලයෙකුට පොලීසිය විසින් අත්අඩංගුවට ගෙන නඩු පවරා තිබෙනවා.
Bindoon ප්රදේශයේ පදිංචි Jayson Joseph Michaels නම් මෙම පුද්ගලයා, බටහිර ඔස්ට්රේලියා පාර්ලිමේන්තු ගොඩනැගිල්ල, පොලිස් මූලස්ථානය සහ මුස්ලිම් ආගමික දේවස්ථානයක් ඉලක්ක කර ප්රහාරයක් සැලසුම් කළ බවටයි චෝදනා එල්ල වී ඇත්තේ.
බටහිර ඔස්ට්රේලියා පොලිසිය, Australian Federal Police සහ ASIO එක්ව කටයුතු කරන Joint Counter Terrorism Team විසින් ඔහුගේ අන්තර්ජාල ක්රියාකාරකම් පිළිබඳ පරීක්ෂණයක් ජනවාරි මාසයෙන් ආරම්භ කර තිබුණා.
එහි ප්රතිඵලයක් ලෙස ඔහුගේ නිවස සෝදිසි කර ගිනිඅවි 7ක්, බෝලට් ආරක්ෂක ඇඳුමක්, ගෑස් මස්ක්, lock picking උපකරණ සහ ප්රහාර සැලසුම් සටහන් කර තිබූ Note Book එකක් සොයාගෙන තිබෙනවා.
ඔහුට “ත්රස්ත ක්රියාවකට සූදානම් වීම”, තර්ජනාත්මක සන්නිවේදනය භාවිත කිරීම, තහනම් ආයුධයක් හිමිකර ගැනීම සහ ගිනිඅවි සම්බන්ධ චෝදනා කිහිපයක් යටතේ නඩු පවරා ඇති බවයි පොලීසිය පවසන්නේ.
මෙම චෝදනාවට උපරිම දඩුවම ජීවිතාන්තර සිරදඬුවම් වන අතර WA ප්රධාන අමාත්ය Roger Cook සඳහන් කළේ මේ සිද්ධිය සම්බන්ධයෙන් දැනට පවතින කිසිදු තවත් තර්ජනයක් නොමැති බවයි.
මෙම සිද්ධිය සම්බන්ධයෙන් අගමැති Anthony Albanese ද ප්රකාශයක් නිකුත් කරමින්, ජාතිවාදී හෝ ආගමික වෛරයට මේ රටේ ඉඩක් නොමැති බව අවධාරණය කර සිටියා.
මෙම සැකකරු නැවත මාර්තු 23 දින අධිකරණයට ඉදිරිපත් කිරීමට නියමිතයි.
