එළඹෙන සරත් සෘතුවේදී (Autumn) ඔස්ට්රේලියාවේ ප්රාන්ත කිහිපයක ලැව්ගිනි අවදානම තවදුරටත් ඉහළ මට්ටමක පවතිනු ඇතැයි බලධාරීන් අනතුරු අඟවනවා.
ඔස්ට්රේලියානු සහ නවසීලන්ත ගිනි නිවන සහ හදිසි සේවා කවුන්සිලය (AFAC) විසින් නිකුත් කළ නවතම වාර්තාවක දැක්වෙන්නේ ලබන මාර්තු සිට මැයි දක්වා කාලය තුළ වික්ටෝරියා, නිව් සවුත් වේල්ස් සහ බටහිර ඔස්ට්රේලියාවේ දකුණු ප්රදේශවල ලැව්ගිනි ඇතිවීමේ වැඩි ප්රවණතාවක් පවතින බවයි.
මෑතකදී ඇතැම් ප්රදේශවලට තද වැසි ලැබුණ ද, පොළොවේ පවතින දිගුකාලීන වියළි බව සහ පාංශු තෙතමනය අඩුවීම නිසා ලැව්ගිනි පැතිර යාමේ හැකියාව තවදුරටත් පවතින බවයි AFAC ප්රධානී රොබ් වෙබ් (Rob Webb) පෙන්වා දෙන්නේ.
මෙම තත්ත්වය හේතුවෙන් සැලසුම් කර තිබූ Fuel reduction burning පවා ප්රමාද වීමට ඉඩ ඇති බව ඔහු සඳහන් කළා.
මේ අතර 2025/26 ලැව්ගිනි සමය තුළ ජීවිත හානි කිහිපයක් ද වාර්තා වී ඇති අතර, වික්ටෝරියා ප්රාන්තයේ පමණක් හෙක්ටයාර 400,000කට අධික භූමි ප්රමාණයක් විනාශ වී තිබෙනවා.
හදිසි කළමනාකරණ නිලධාරීන් ජනතාවගෙන් ඉල්ලා සිටින්නේ සරත් සෘතුවේදී වුවද ලැව්ගිනි ආරක්ෂණ සැලසුම් (Bushfire Plans) අත්නොහරින ලෙසයි.
ප්රාදේශීය ගිනි නිවන අංශ ලබා දෙන උපදෙස් නිවැරදිව පිළිපදින ලෙස ද ඔවුන් උපදෙස් දී තිබෙනවා.
සංචාරක කලාපවල වෙසෙන ජනතාව සහ සංචාරකයින් කාලගුණික වෙනස්වීම් පිළිබඳව දැඩි අවධානයෙන් පසුවිය යුතු බවයි බලධාරීන් වැඩිදුරටත් අවධාරණය කරන්නේ.
