LinkedIn හරහා රැකියා සොයන පුද්ගලයන් ඉලක්ක කරගනිමින් සිදුවන නව වංචා සම්බන්ධයෙන් ඔස්ට්‍රේලියාවේ රැකියා සොයන පිරිස්ට අනතුරු ඇඟවීමක් කර තිබෙනවා.

තමන් රැකියාවක් සොයන බව LinkedIn ගිණුම හරහා ප්‍රකාශ කළ පසු, වංචාකරුවන් එම පුද්ගලයන් වෙත සෘජුවම සම්බන්ධ වී ව්‍යාජ රැකියා අවස්ථා ලබාදෙන බව පවසන අවස්ථා වාර්තා වී තිබෙනවා.

සැබෑ බඳවාගැනීමේ නිලධාරීන් ලෙස පෙනී සිටීම, ව්‍යාජ රැකියා දැන්වීම් පළ කිරීම සහ සැබෑ ආයතන හෝ පුද්ගලයන්ගේ තොරතුරු භාවිත කර ව්‍යාජ ගිණුම් සකස් කිරීම වැනි ක්‍රම මෙහිදී භාවිත කරන බව සඳහන්.

ඇතැම් අවස්ථාවල රැකියාව ලබාදීමට පෙර ලියාපදිංචි ගාස්තු, පුහුණු ගාස්තු හෝ වෙනත් ගෙවීම් සිදුකරන ලෙස ඉල්ලා සිටින බවත් වාර්තා වී තිබෙනවා.

එමෙන්ම CV සකස් කරදෙන බව හෝ රැකියා ලබාගැනීමට අවශ්‍ය සේවා සපයන බව පවසමින් රැකියා සොයන පුද්ගලයන්ගෙන් මුදල් ලබාගැනීමේ වංචාද සිදුවෙමින් පවතින බව සඳහන්.

විශේෂයෙන් රැකියාවක් සොයා ගැනීමට ඉක්මනින් අවශ්‍යතාවක් ඇති පුද්ගලයන් මෙවැනි වංචාවලට පහසුවෙන් ඉලක්ක විය හැකි බැවින්, LinkedIn හරහා ලැබෙන රැකියා අවස්ථා පිළිබඳව වැඩි අවධානයක් යොමු කරන ලෙස උපදෙස් දී තිබෙනවා.

රැකියා අවස්ථාවක් සඳහා මුදල් ගෙවීමට පෙර එම ආයතනය සහ බඳවාගැනීමේ නිලධාරියා පිළිබඳව තොරතුරු තහවුරු කර ගැනීමත්, සැක සහිත සබැඳි හරහා පෞද්ගලික තොරතුරු ලබා නොදීමත් ඉතා වැදගත් වනවා.

#AustraliaJobs #LinkedInScam #JobScam #ScamAlert #JobSeekers #LinkedIn