ඔස්ට්රේලියාවේ තාවකාලික වීසා මත ජීවත් වන පුද්ගලයන්ට තමන්ගේ ඉදිරි ජීවිතය පිළිබඳ පවතින දිගුකාලීන අවිනිශ්චිතතාව මානසික සෞඛ්යයට බලපාන බව පර්යේෂණවලින් පෙන්වා දී තිබෙනවා.
විශේෂයෙන් වීසා තත්ත්වය ස්ථිර නොවීම නිසා රැකියාව, අධ්යාපනය, නිවාස සහ පවුල් ජීවිතය සම්බන්ධයෙන් දිගුකාලීන සැලසුම් කිරීමට අපහසු තත්ත්වයක් මතුවන බවටයි පර්යේෂකයන් පෙන්වා දෙන්නේ.
ඔස්ට්රේලියාවේ විදේශීය සිසුන් සම්බන්ධයෙන්ද පසුගිය පර්යේෂණවලදී දේශීය සිසුන් සමඟ සසඳන විට කාංසාව ඇතුළු මානසික සෞඛ්ය ගැටලු ඉහළ මට්ටමක පවතින බව අනාවරණය වී තිබුණා.
මේ අතර 2026 ජූනි වනවිට ඔස්ට්රේලියාවේ තාවකාලික වීසා හිමියන් සංඛ්යාව මිලියන තුනකට ආසන්න වී ඇති බව නව විශ්ලේෂණයක් පෙන්වා දෙන අතර, තරුණ වයස් කාණ්ඩවල සැලකිය යුතු පිරිසක්ද තාවකාලික වීසා මත සිටින බව වාර්තා වෙනවා.
එම විශ්ලේෂණයට අනුව ඇතැම් පුද්ගලයන් එක් තාවකාලික වීසා බලපත්රයකින් තවත් තාවකාලික වීසා බලපත්රයකට මාරු වෙමින්, ස්ථිර පදිංචිය ලබාගැනීම හෝ නැවත තම රටට යාම අතර දිගු කාලයක් අවිනිශ්චිත තත්ත්වයක රැඳී සිටිනවා.
මෙවැනි තත්ත්වයක් පුද්ගලයන්ගේ ස්ථාවරත්වයට පමණක් නොව, සමාජයට ඒකාබද්ධ වීම සහ අනාගතය පිළිබඳ තීරණ ගැනීම කෙරෙහිත් බලපෑම් ඇති කළ හැකි බවටයි විශේෂඥයන් පෙන්වා දෙන්නේ.
ඒ අනුව තාවකාලික සංක්රමණ ක්රමය තුළ දිගුකාලීනව අවිනිශ්චිත තත්ත්වයක රැඳී සිටින පිරිස පිළිබඳව ප්රතිපත්ති සම්පාදකයන් වැඩි අවධානයක් යොමු කළ යුතු බවට සංවාදයක් මේ වනවිට ඇතිවෙමින් පවතින බවට වාර්තා වන්නේ.
