Melbourne නගරයේ ජල මාර්ගවල Rakali නමින් හඳුන්වන දේශීය ජලජ සත්ව විශේෂය බහුලව ජීවත් වන බව නව පර්යේෂණයකින් හෙළි වී තිබෙනවා.
University of Melbourne mapping project එකක් මගින් Greater Melbourne ප්රදේශයෙන් Rakali sightings 746ක් සිතියම්ගත කර ඇති බවටයි වාර්තා වන්නේ.
St Kilda, Southbank, Coburg Lake, Williamstown සහ Werribee වැනි ප්රදේශවලින් මෙම සතුන් පිළිබඳ වැඩි වාර්තා ලැබී තිබෙනවා.
Rakali සතුන් කලින් සාමාන්යයෙන් “water rat” ලෙස හඳුන්වා තිබුණත්, ඔවුන් ඔස්ට්රේලියාවට ආවේණික දේශීය සත්ව විශේෂයක් වන අතර නගර පරිසරයට හොඳින් අනුවර්තනය වී ඇති බව පර්යේෂකයන් පවසනවා.
මෙම සතුන්ගේ ආහාර අතර මත්ස්යයන්, කකුළුවන් සහ වෙනත් ජලජ සතුන් ඇතුළත් වන අතර, නගරවල සිටින හඳුන්වා දුන් මීයන්ගේ සංඛ්යාව පාලනය කිරීමටත් Rakali උපකාර වන බවටයි පර්යේෂණවලින් පෙන්වා දෙන්නේ.
විශේෂයෙන් ඔවුන්ගේ දිගු වලිගයේ සුදු පැහැති අගය සහ උදරයේ රන් පැහැය හඳුනාගැනීමට පහසු ලක්ෂණ ලෙස සඳහන් වෙනවා.
කෙසේවෙතත් ජල මාර්ග ආසන්නයේ ජීවත් වන ජනතාවට මෙම දේශීය සතුන් පිළිබඳ වාර්තා කිරීමෙන් ඔවුන්ගේ ව්යාප්තිය පිළිබඳ තොරතුරු තවදුරටත් එකතු කරගැනීමට හැකි බවයි පර්යේෂකයන් පවසන්නේ.
