ඉන්දියාව ඇතුළු ආසියානු රටවල් රැසක තවමත් බිමට ආසන්නව සකස් කළ වැසිකිළි භාවිතය බහුලව දක්නට ලැබෙනවා.
මේ ක්රමයේදී ආසනයක වාඩි වෙනවා වෙනුවට පාද දෙක තබා වකුටු වී වැසිකිළිය භාවිතා කරන අතර, මෙය පරම්පරා ගණනාවක් තිස්සේ පැවති ජීවන පුරුදු සහ පිරිසිදුකම පිළිබඳ අදහස් සමඟ බැඳී තිබෙනවා.
ඒ වගේම වකුටු වී සිටින විට ශරීරයේ පිහිටීම නිසා මලපහ කිරීමේදී අවශ්ය වන තල්ලු කිරීම අඩු විය හැකි බවයි ඇතැම් වෛද්ය පර්යේෂණ පෙන්වා දෙන්නේ.
විශේෂයෙන් උකුල වැඩි වශයෙන් නැමෙන නිසා මල පිටවන මාර්ගය වඩා සෘජු තත්ත්වයකට පැමිණිය හැකි බවත්, ඒ හේතුවෙන් මලපහ කිරීම පහසු විය හැකි බවත් පර්යේෂකයන් සඳහන් කරනවා.
තවත් හේතුවක් වන්නේ ඉන්දියාව සහ දකුණු ආසියානු රටවල දිගුකාලීනව පැවති වැසිකිළි සැලසුම් සහ ජලය භාවිතා කර පිරිසිදු වීමේ පුරුදුයි.
කෙසේ වෙතත් squat toilet භාවිතා කිරීම සියලුම දෙනාටම අනිවාර්යයෙන්ම සෞඛ්යයට වඩා හොඳ බව කියන්න ප්රමාණවත් සාක්ෂි තවම නැහැ.
2025දී පළ වූ පර්යේෂණ සමාලෝචනයකින්ද වකුටු වීමෙන් මලපහ කිරීම පහසු විය හැකි බව පෙන්වා දුන්නත්, එහි දිගුකාලීන සෞඛ්ය වාසි සම්බන්ධයෙන් තවත් පර්යේෂණ අවශ්ය බවයි පෙන්වාදෙන්නේ.
ඒ නිසා මේ පැරණි වැසිකිළි ක්රමය අදටත් පවතින්නේ සංස්කෘතික පුරුද්දක් විතරක් නොව, ශරීරයේ ස්වභාවික වකුටු ඉරියව්ව සමඟත් බැඳී ඇති නිසා බවයි පෙන්වා දෙන්නේ.
