Melbourne Airport හි ඉදිරි වසර 20 සඳහා වූ නව Master Plan 2027 සැලැස්ම ප්රකාශයට පත් කර තිබෙනවා.
මෙම සැලැස්ම යටතේ 2047 වන විට Melbourne Airport හරහා වසරකට මගීන් මිලියන 75ක් පමණ ගමන් කරනු ඇතැයි අපේක්ෂා කරනවා. එය පසුගිය මූල්ය වසරේ ගුවන් තොටුපළ භාවිත කළ මිලියන 37කට ආසන්න මගීන් සංඛ්යාවට සාපේක්ෂව දෙගුණයකටත් ආසන්න වැඩිවීමක්.
මෙම ව්යාප්ති සැලැස්මට ජාත්යන්තර සහ දේශීය Terminal පහසුකම් පුළුල් කිරීම, ධාවන පථ වැඩිදියුණු කිරීම සහ ගුවන් තොටුපළට පැමිණීම හා පිටවීම පහසු කිරීම සඳහා නව ප්රවාහන යටිතල පහසුකම් ඇතුළත්.
මේ අතර, ගුවන් තොටුපළට නව සහ පුළුල් කළ Pick-up සහ Drop-off ප්රදේශ ඔක්තෝබර් මාසයේදී විවෘත කිරීමට නියමිතයි. එමඟින් ජාත්යන්තර Terminal ව්යාප්තිය සඳහා මාර්ගය සකස් වනු ඇති.
Melbourne Airport වෙත නව මාර්ග සහ වැඩිදියුණු කළ බස් සේවා ලබාදීමද සැලැස්මේ ප්රධාන අංගයක්. Melbourne Airport සහ Melbourne නගරය අතර Sunshine හරහා ඉදිකිරීමට යෝජිත දුම්රිය සම්බන්ධතාවයද මෙම දිගුකාලීන සැලැස්මට ඇතුළත් කර තිබෙනවා.
එමෙන්ම, Melbourne Airport හි දැනට පවතින East-West ධාවන පථය මීටර් 345කින් දිගු කිරීමේ ව්යාපෘතියද Master Plan එකට ඇතුළත් කර තිබෙනවා. එය තුන්වන ධාවන පථය ඉදිකිරීමේදී සිදුවන වෙනස්කම් සමඟ සම්බන්ධයි.
නව Master Plan 2027 සම්බන්ධයෙන් මහජන අදහස් සහ යෝජනා ලබාගැනීම අද සිට ආරම්භ කර තිබෙන අතර, ඒ සඳහා අදහස් ඉදිරිපත් කිරීමට 2026 නොවැම්බර් 4 වැනිදා දක්වා අවස්ථාව තිබෙනවා.
ඒ අනුව, ඉදිරි දශක දෙක තුළ Melbourne Airport ඔස්ට්රේලියාවේ දැවැන්තම ගුවන් ප්රවාහන මධ්යස්ථානයක් ලෙස තවදුරටත් පුළුල් කිරීමට මෙම Master Plan එක මගින් සැලසුම් කර තිබෙනවා.
