Victoria හි Delacombe ප්රදේශයේ Bunnings එකකදී කුඩා දැරියකට Rottweiler වර්ගයේ සුනඛයෙකුගෙන් ප්රහාරයක් එල්ල වීමත් සමඟ, වෙළඳසැල් තුළ සුනඛයන්ට අවසර ලබාදීමේ ප්රතිපත්තිය පිළිබඳව නැවතත් දැඩි විවාදයක් ආරම්භ වී තිබෙනවා.
වාර්තා අනුව, මෙම දැරිය shopping trolley එකක සිටියදී මෙම සිදුවීමට මුහුණදී ඇති අතර, ඇය ප්රතිකාර සඳහා Ballarat Hospital වෙත රැගෙන ගොස් ඇති බවටයි වාර්තා වන්නේ.
සිද්ධියෙන් පසු සමාජ මාධ්ය හරහා අදහස් පළ කරන බොහෝ දෙනා, Bunnings වැනි ජනතාව වැඩිපුර ගැවසෙන ස්ථානවලට සුනඛයන් රැගෙන ඒම සම්බන්ධයෙන් දැඩි නීති අවශ්ය බව පෙන්වා දෙනවා.
කෙසේ වෙතත්, ඇතැම් සුනඛ හිමිකරුවන් පවසන්නේ වගකීමෙන් යුතුව පාලනය කරන සුරතල් සතුන්ට සම්පූර්ණ තහනමක් පැනවීම සාධාරණ නොවන බවයි.
මේ වන විට Bunnings ප්රතිපත්තිය අනුව assistance animals සඳහා අවසර ලබාදෙන අතර, පාලනය කළ හැකි සහ lead එකකින් රැගෙන එන හොඳ හැසිරීමක් ඇති සුරතල් සතුන්ටද අවසර ලබාදී තිබෙනවා.
මෙම සිදුවීමත් සමඟ දරුවන්ගේ සහ පාරිභෝගිකයන්ගේ ආරක්ෂාව ප්රමුඛ කරමින් Bunnings හි dog policy එක වෙනස් කළ යුතුද යන්න පිළිබඳව ඔස්ට්රේලියාව පුරාම නව සංවාදයක් මතුව ඇති බව සදහන්.
අදාළ සිදුවීම සම්බන්ධයෙන් බලධාරීන් පරීක්ෂණයක් ආරම්භ කර ඇති අතර, මෙම සිද්ධියෙන් පසු පොදු ස්ථානවල සුරතල් සතුන්ගේ පාලනය සහ ආරක්ෂාව පිළිබඳ අවධානය තවදුරටත් වැඩිවී තිබෙනවා.
