කැනඩාවේ ටොරොන්ටෝ නගරයේ සේවය කළ ශ්රී ලාංකික වෛද්යවරයෙකු පොලිසිය විසින් අත්අඩංගුවට ගෙන තිබෙනවා.
ළමා ලිංගික අපයෝජන හා සූරාකෑමට අදාළ අන්තර්ගතයන් වෙත ප්රවේශ වීම සහ ඒවා බාගත කිරීම සම්බන්ධයෙන් එල්ල වූ චෝදනා මත මෙම අත්අඩංගුවට ගැනීම සිදුකර ඇති බවයි වාර්තා වන්නේ.
අත්අඩංගුවට ගෙන ඇත්තේ ටොරොන්ටෝහි පදිංචි 44 හැවිරිදි වෛද්ය ඩිලාන් දිසානායක යි.
ටොරොන්ටෝ පොලිසියේ Internet Child Exploitation Unit විසින් සිදුකළ විමර්ශනයකට අනුව, ඔහු සේවය කළ රෝහල සහ පෞද්ගලික නිවස පරීක්ෂා කර ඉලෙක්ට්රොනික උපකරණ කිහිපයක්ද පොලිස් භාරයට ගෙන තිබෙනවා.
වෛද්ය ඩිලාන් දිසානායක ටොරොන්ටෝහි ළමා රෝහලක් වන Hospital for Sick Children හි වෛද්යවරයෙකු ලෙස සේවය කර ඇති බව සඳහන්.
කෙසේ වෙතත්, පොලිසිය පවසන්නේ මෙම චෝදනා ඔහුගේ වෛද්ය සේවාවට හෝ රෝගීන්ට සම්බන්ධ බවට මේ වන විට කිසිදු සාක්ෂියක් හමු වී නොමැති බවයි.
මෙය තවදුරටත් ක්රියාත්මක වන විමර්ශනයක් වන අතර, එල්ල වී ඇති චෝදනා අධිකරණය හමුවේ තවමත් තහවුරු වී නොමැත.
