ඕස්ට්රේලියාව පුරා කුඩා ව්යාපාර හිමියන් දශක ගණනකින් මුහුණදුන් දරුණුම කාලය මේ වනවිට ගතකරමින් සිටින බව Small Business Association of Australia අනතුරු අඟවනවා.
එහි ප්රධාන විධායක Anne Nalder පවසන්නේ, කුඩා ව්යාපාර කඩා වැටීමට ප්රධානම හේතුව මුදල් ප්රවාහයේ හිඟය බවයි.
ගෙවීමට ඇති ඉන්වොයිස් හෝ අත්සන් කිරීමට නියමිත ගිවිසුම් තිබුණද, බැංකු ගිණුමේ ප්රමාණවත් මුදලක් නොමැති නම් ව්යාපාරයක් පවත්වාගෙන යාම අපහසු බවයි ඇය පෙන්වා දෙන්නේ.
ස්ථාවර වියදම් ඉහළ මට්ටමක පවතින අතර ආදායම අඩුවීම නිසා බිල්පත්, වැටුප් සහ අනෙකුත් ව්යාපාරික වියදම් ගෙවීමට කුඩා ව්යාපාර හිමියන්ට නොහැකි වී තිබෙනවා.
විශාල සමාගම් විසින් කුඩා ව්යාපාරවලට ගෙවිය යුතු මුදල් ප්රමාද කිරීමද බරපතළ ගැටලුවක් බව සඳහන්.
කොවිඩ් වසංගතයට පෙර මෙම ප්රමාද ගෙවීම් හේතුවෙන් ඕස්ට්රේලියානු ආර්ථිකයට වසරකට ඩොලර් බිලියන 7ක පමණ බලපෑමක් සිදුවූ බවද ඇය කියාසිටියා.
කුඩා ව්යාපාරවල අවශ්යතා සලකා සකස් කළ විශේෂ ප්රතිපත්ති හඳුන්වා දෙන ලෙස SBAA සංවිධානය ෆෙඩරල් රජයෙන් ඉල්ලා සිටිනවා.
විශාල සමාගමකට සහ සේවකයන් දෙතුන් දෙනෙකු සිටින කුඩා ව්යාපාරයකට එකම නීති ක්රියාත්මක කිරීම ප්රායෝගික නොවන බවත්, එක් විසඳුමක් සියලු ව්යාපාර සඳහා ගැළපෙන්නේ නැති බවත් Anne Nalder අවධාරණය කරනවා.
