Victoria ප්රාන්තයේ දැඩි සීතලත් සමඟ නිවාස තුළ Heater භාවිතය ඉහළ යන බැවින්, ඒවා ආරක්ෂිතව භාවිත කරන ලෙස ජනතාවට දැනුම් දී තිබෙනවා.
නිසි ලෙස නඩත්තු නොකළ Gas Heater මඟින් ගඳක් හෝ වර්ණයක් නොමැති Carbon Monoxide වායුව පිටවිය හැකි අතර, හිසරදය, කරකැවිල්ල, වමනය සහ සිහිසුන් වීම වැනි බරපතළ තත්ත්ව ඇතිවිය හැකියි.
Gas Heater එකක් සුදුසුකම් ලත් කාර්මිකයෙකු මඟින් නියමිත කාලයට පරීක්ෂා කරගැනීමත්, නිවසට ප්රමාණවත් වාතාශ්රයක් ලබාදීමත් ඉතා වැදගත් බව බලධාරීන් පවසනවා.
විදුලි Heater අසල ඇඳුම්, තිර රෙදි, ඇඳ ඇතිරිලි සහ ගෘහ භාණ්ඩ තැබීමෙන් ගිනි ගැනීමේ අවදානම ඉහළ යා හැකි බැවින් ඒවා ආරක්ෂිත දුරකින් තැබිය යුතුයි.
Portable Heater නාන කාමර වැනි තෙත් ස්ථානවල භාවිත නොකරන ලෙසත්, දරුවන් සහ සුරතල් සතුන් ඒවා අසල සිටින විට නිරන්තරයෙන් අධීක්ෂණය කරන ලෙසත් උපදෙස් දී තිබෙනවා.
Heater එකෙන් අසාමාන්ය ගඳක්, ශබ්දයක් හෝ දෝෂයක් දැනුණහොත් එය වහාම ක්රියා විරහිත කර සුදුසුකම් ලත් කාර්මිකයෙකුගෙන් පරීක්ෂා කරගන්නා ලෙසයි ජනතාවට උපදෙස් දෙන්නේ.
