ඔස්ට්රේලියානු රජයේ First Home Guarantee වැඩසටහන යටතේ සියයට 5ක deposit එකක් පමණක් ගෙවා නිවාස මිලදීගත් පළමු නිවාස ගැනුම්කරුවන්ට, නිවාස මිල පහත වැටීමත් සමඟ නව මූල්ය අවදානමක් ඇතිවිය හැකි බවට අනතුරු ඇඟවීම් නිකුත් වී තිබෙනවා.
මෙම වැඩසටහන යටතේ සුදුසුකම් ලබන ගැනුම්කරුවන්ට සාමාන්යයෙන් අවශ්ය සියයට 20ක deposit එක නොමැතිව නිවසක් මිලදීගැනීමට හැකි අතර, ඉතිරි කොටස සඳහා Federal Government guarantee එකක් ලබාදෙනු ඇති.
ඒ හේතුවෙන් ගැනුම්කරුවන්ට Lenders Mortgage Insurance ගෙවීමෙන්ද වැළකීමට පුලුවන්.
කෙසේ වෙතත්, ගැනුම්කරු මුලදී නිවස තුළ තබන තමන්ගේ මුදල් ප්රමාණය සියයට 5ක් වැනි අඩු මට්ටමක පවතින නිසා, නිවසේ වෙළෙඳපොළ වටිනාකම සියයට 5කට වැඩි ප්රමාණයකින් පහත වැටුණොත් නිවසේ වටිනාකමට වඩා නිවාස ණය මුදල වැඩි විය හැකියි.
උදාහරණයක් ලෙස ඩොලර් 600,000ක නිවසක් සියයට 5ක deposit එකක් හෙවත් ඩොලර් 30,000ක් ගෙවා මිලදීගතහොත්, ආරම්භක ණය මුදල ආසන්න වශයෙන් ඩොලර් 570,000ක් වෙනවා.
නිවසේ වටිනාකම ඩොලර් 550,000ක් දක්වා පහත වැටුණොත්, එය විකිණීමෙන් ලැබෙන මුදලෙන් සම්පූර්ණ ණය මුදල පියවීමට නොහැකි විය හැකි බවයි විශේෂඥයින් පවසන්නේ.
Melbourne හි Tarneit, Truganina සහ Hoppers Crossing ඇතුළත් ප්රදේශය First Home Guarantee භාවිතය ඉහළ ප්රදේශයක් ලෙස සඳහන් වන අතර, එහි නිවාස මිල සියයට 1.1කින් පහත වැටී ඇති බවද වාර්තා වෙනවා.
රජය පවසන්නේ මෙම වැඩසටහන හරහා පළමු නිවාස ගැනුම්කරුවන්ට වසර ගණනාවක් deposit එකක් රැස්කරමින් බලා නොසිට ඉක්මනින් නිවාස වෙළෙඳපොළට ඇතුළුවීමට සහ Lenders Mortgage Insurance සඳහා වැයවන මුදල් ඉතිරි කරගැනීමට හැකිවූ බවයි.
කෙසේවෙතත් විශේෂඥයින් පෙන්වාදෙන්නේ Negative equity තත්ත්වයක් ඇතිවුණත් ණය වාරික නියමිත පරිදි ගෙවමින් දිගුකාලීනව නිවස තබාගන්නා පුද්ගලයෙකුට එය වහාම පාඩුවක් බවට පත්වන්වන්නේ නොමැති බවයි.
නමුත් රැකියාව අහිමිවීමක්, ණය ගෙවීමට නොහැකිවීමක් හෝ ඉක්මනින් නිවස විකිණීමට සිදුවීමක් ඇතිවුවහොත් එය බරපතළ ගැටලුවක් විය හැකි බවයි ඔවුන් අවධාරණය කරන්නේ.
