වික්ටෝරියාවේ පොලිස් නිලධාරීන් දෙදෙනෙකු වෙඩි තබා ඝාතනය කර, මාස 7කට අධික කාලයක් පොලිසිය මගහරිමින් සැඟවී සිටි Dezi Freeman රැඳී සිටි රහස් shipping container එක තුළට අනවසරයෙන් ඇතුළු වූ පුද්ගලයෙකුට එරෙහිව පොලිසිය නීතිමය පියවර ගෙන තිබෙනවා.
පසුගිය මාර්තු මාසයේදී පොලිස් වෙඩි ප්රහාරයකින් Dezi Freeman ජීවිතක්ෂයට පත්වූ අතර, ඉන් සති 3කට පමණ පසු මෙම පුද්ගලයා අදාළ කන්ටේනරය පිහිටි පරිශ්රයට හොරෙන් ඇතුළු වී තිබුණා.
තමන් එහි ගියේ අතරමං වූ ඩ්රෝන යානයක් සෙවීමට බව ඔහු පවසා ඇතත්, ඔහු විසින් එහි ඇතුළත දර්ශන සහ එහි තිබූ රසායනික ද්රව්යවල ස්වභාවය වීඩියෝ කර සමාජ මාධ්ය වෙත මුදාහැර තිබෙනවා.
අදාළ සැකකරු මේ වන විට පොලිසියට භාර වී ඇති අතර, අනවසරයෙන් ඇතුළු වීමේ චෝදනාව (Trespass) යටතේ ඔහුට නඩු පවරනු ලැබුවා.
ඒ අනුව ලබන ඔක්තෝබර් මාසයේදී ඔහු Wodonga මහේස්ත්රාත් අධිකරණය හමුවට ඉදිරිපත් කිරීමට නියමිතයි.
මේ අතර මෙම දරුණු අපරාධකරුට මාස 7ක් තිස්සේ සැඟවී සිටීමට උදව් කළ තවත් පිරිසක් සිටී ද යන්න පිළිබඳව ද ඔස්ට්රේලියානු බලධාරීන් මේ වන විට පුළුල් පරීක්ෂණ පවත්වනවා.
