ඔස්ට්රේලියාවේ H5 වර්ගයේ Bird Flu වෛරසය පැතිර යාමේ අවදානම හේතුවෙන් කුකුළු කර්මාන්තය දැඩි සීරුවෙන් පසුවන බව බලධාරීන් පවසනවා.
මේ වන විට රට පුරා H5 වෛරස ආසාදිත අවස්ථා 7ක් සංක්රමණික පක්ෂීන් අතරින් හඳුනාගෙන ඇති අතර ගොවිපළ සතුන් වෙත එය පැතිරීම පිළිබඳ විශේෂ අවධානය යොමු කරමින් පවතිනවා.
ඒ හේතුවෙන් නිදහසේ ඇති කරන කුකුළන් කැලෑ පක්ෂීන්ගෙන් ඈත් කර ආවරණ යටතේ හෝ ගොඩනැගිලි තුළ තබන ලෙසයි ගොවීන්ට උපදෙස් ලබාදී ඇත්තේ.
2024 වසරේ H7 Bird Flu ව්යාප්තිය හේතුවෙන් කුරුල්ලන් මිලියන 2ක් විනාශ කිරීමට සිදු වූ අතර බිත්තර හිඟයක්ද ඇති වූ බවයි ඔවුන් සිහිපත් කරන්නේ.
Bird Flu ආසාදනය ගොවිපළකට පැතිර ගියහොත් එම ගොවිපළේ සියලු කුරුල්ලන් විනාශ කිරීම ඔස්ට්රේලියාවේ සාමාන්ය ක්රියාමාර්ගය බව බලධාරීන් සඳහන් කළා.
ඒ හේතුවෙන් නිවසේ කුකුළන් ඇති කරන පුද්ගලයන්ටද කැලෑ පක්ෂීන්ගෙන් ඔවුන් ආරක්ෂා කර ආහාර හා ජලය ආවරණය කර තබන ලෙස උපදෙස් ලබාදී තිබෙනවා.
කෙසේ වෙතත්, නිසි ලෙස පිසූ කුකුළු මස් හෝ බිත්තර ආහාරයට ගැනීමෙන් මිනිසුන්ට Bird Flu ආසාදනය වූ අවස්ථාවක් මෙතෙක් ඔස්ට්රේලියාවෙන් වාර්තා වී නොමැති බවයි බලධාරීන් අවධාරණය කරන්නේ.
