ඔස්ට්රේලියාවේ දැවැන්තම විදුලි සංදේශ ජාලය වන Telstra සමාගමේ ජාල පද්ධතියේ ඇති වූ හදිසි තාක්ෂණික බිඳවැටීමක් හේතුවෙන් මේ වන විට මිලියන ගණනක පරිශීලකයින් දැඩි දුෂ්කරතාවයට පත්ව තිබෙනවා.
දුරකථන ඇමතුම් ලබා ගැනීමට සහ අන්තර්ජාල පහසුකම් ලබා ගැනීමට නොහැකි වීමෙන් ඔස්ට්රේලියාව පුරාම ජන ජීවිතයට සහ ව්යාපාරික කටයුතුවලට දැඩි බාධා එල්ල වී ඇති බවයි වාර්තා වන්නේ.
වික්ටෝරියා ප්රාන්තයේ ප්රාදේශීය දුම්රිය සේවා (V/Line) සන්නිවේදන ගැටලු හේතුවෙන් මුළුමනින්ම නතර කර ඇති අතර, නිව් සවුත් වේල්ස් ප්රාන්තයේ ද දුම්රිය ධාවනයට බාධා පැමිණ තිබෙනවා.
ව්යාපාරික ස්ථාන 80,000කට අධික සංඛ්යාවක් භාවිතා කරන Tyro ඇතුළු EFTPOS කාඩ්පත් මඟින් මුදල් ගෙවීමේ පද්ධතීන් අක්රිය වීම නිසා වෙළඳසැල් සහ කුඩා ව්යාපාර රැසක කටයුතු අඩාල වී ඇති බව ද සඳහන්.
බටහිර ඔස්ට්රේලියාවේ පොලිස් දෙපාර්තමේන්තුව නිවේදනය කරන්නේ හදිසි ඇමතුම් අංකයක් වන 000 වෙත ඇමතුම් ලබා ගැනීමට Telstra පාරිභෝගිකයින්ට බාධා මතු විය හැකි බවයි.
කෙසේ වෙතත්, දුරකථන ස්වයංක්රීයව වෙනත් ක්රියාකාරී ජාල වෙත (Fall-back) සම්බන්ධ වන බැවින් හදිසි ඇමතුම් ලබා ගැනීමට උත්සාහ කරන ලෙස රජය දන්වා සිටිනවා.
Aldi Mobile, Belong, Boost සහ Woolworths Everyday Mobile වැනි Telstra ජාලය භාවිතා කරන අනෙකුත් අනුබද්ධ සේවා රැසක් ද මේ වන විට අක්රියව පවතිනවා.
මේ අතර Telstra ප්රකාශකයෙකු සඳහන් කර ඇත්තේ මෙම දෝෂය කඩිනමින් යථා තත්ත්වයට පත් කිරීම සඳහා තම ඉංජිනේරුවන් කණ්ඩායම උපරිම අයුරින් කටයුතු කරමින් සිටින බවයි.
කෙසේ වෙතත් ස්ථාවර NBN අන්තර්ජාල සේවාවන්ට මින් බලපෑමක් වී නොමැති බවයි වාර්තා වන්නේ.
