ඔස්ට්රේලියාව සහ ෆීජි අතර නව ආරක්ෂක සහ ද්විපාර්ශ්වික සහයෝගිතා ගිවිසුම් දෙකකට අත්සන් තබා ඇති බව වාර්තා වනවා.
Vuvale Union සහ Ocean of Peace Alliance ලෙස නම් කර ඇති මෙම ගිවිසුම් හරහා දෙරට අතර ආරක්ෂක, ආර්ථික, සංවර්ධන සහ කලාපීය සහයෝගිතාව තවදුරටත් ශක්තිමත් කිරීමට අපේක්ෂා කරන බවටයි සඳහන් වන්නේ.
මෙම ගිවිසුම අනුව, දෙරටෙන් එක් රටකට බාහිර ආරක්ෂක තර්ජනයක් හෝ ප්රහාරයක් එල්ල වුවහොත් ඒ පිළිබඳව දෙරට එකිනෙකා සමඟ කඩිනමින් සාකච්ඡා කර අවශ්ය සහාය ලබාදීමට එකඟ වී ඇති බවද වාර්තා වනවා.
එමෙන්ම ඉදිරි වසර 10 තුළ ෆීජි රාජ්යයේ අධ්යාපනය, සෞඛ්ය, යටිතල පහසුකම් සහ ආර්ථික සංවර්ධන ව්යාපෘති සඳහා ඔස්ට්රේලියාව ඔස්ට්රේලියානු ඩොලර් බිලියනයකට අධික මූල්ය සහායක් ලබාදීමටද එකඟ වී තිබෙනවා.
මෙම ගිවිසුම පැසිෆික් කලාපය තුළ චීනයේ වර්ධනය වන බලපෑම හමුවේ ඔස්ට්රේලියාව සිය කලාපීය ආරක්ෂක සබඳතා තවදුරටත් ශක්තිමත් කිරීමේ පියවරක් ලෙසටයි දේශපාලන විශ්ලේෂකයන් හඳුන්වා දෙන්නේ.
කෙසේ වෙතත්, මෙම ගිවිසුම කිසිදු රටක් ඉලක්ක කර ගත් එකක් නොවන බවත් , ෆීජි රාජ්යය සියලුම ජාත්යන්තර හවුල්කරුවන් සමඟ සමබර සබඳතා පවත්වාගෙන යාමට කටයුතු කරන බවත් ෆීජි අග්රාමාත්යවරයා ප්රකාශ කර තිබෙනවා.
