17 හැවිරිදි බාලවයස්කාර දැරියක් ඝාතනය කර ඇගේ සිරුර Suitcase එකක බහා දුම්රිය මාර්ගයක් අසල දමා පලායාමට තැත්කළ ඕස්ට්රේලියානු ජාතිකයෙකු බැංකොක්හි සුවර්ණභූමි ජාත්යන්තර ගුවන් තොටුපළේදී අත්අඩංගුවට ගෙන තිබෙනවා.
මෙලෙස අත්අඩංගුවට පත්ව ඇත්තේ ඕස්ට්රේලියාවේ Ballarat ප්රදේශයේ පදිංචිකරුවෙක්.
ඔහු තායිලන්තයෙන් පර්ත් නුවර බලා යන ගුවන් යානයකට ගොඩවීමට උත්සාහ කිරීමේදී තායි ආගමන විගමන නිලධාරීන් විසින් අත්අඩංගුවට ගෙන තිබෙනවා.
තායිලන්ත පොලිසිය පවසන්නේ පසුගිය බ්රහස්පතින්දා අලුයම මෙම සැකකාර ඕස්ට්රේලියානු ජාතිකයා සහ 17 හැවිරිදි දැරිය Pattayaහි හෝටල් පරිශ්රයක ගමන් කරන අයුරු CCTV කැමරාවල සටහන්ව ඇති බවයි.
එහෙත් එදිනම රාත්රීයේ සැකකරු Suitcase එකක් ස්කූටරයක බැඳගෙන හෝටලයෙන් පිටව ගොස්, මිනිත්තු 10ක් පමණ දුරින් පිහිටි දුම්රිය මාර්ගයක් අසල ලඳු කැලෑවකට එය දමන අයුරු ද පොලිස් විමර්ශනවලදී අනාවරණය වී තිබෙනවා.
පසුව ප්රදේශවාසීන් විසින් කරන ලද දැනුම්දීමකට අනුව ක්රියාත්මක වූ පොලිසිය එම බෑගය තුළ තිබී දැරියගේ මළසිරුර සොයාගනු ලැබුවා.
කෙසේ වෙතත්, අත්අඩංගුවට පත් ඕස්ට්රේලියානු ජාතිකයා මෙම ඝාතන චෝදනාව ප්රතික්ෂේප කරනවා.
තමා නිදා සිටි අවස්ථාවේදී දැරිය හෝටල් කාමරයෙන් අතුරුදන් වූ බවත්, ඇයට සිදුවූ දේ පිළිබඳව තමා ද කනගාටු වන බවත් ඔහු පොලිස් වීඩියෝ පටයක් හරහා ප්රකාශ කර තිබෙනවා.
මේ අතර, ඕස්ට්රේලියානු විදේශ කටයුතු සහ වෙළඳ දෙපාර්තමේන්තුව (DFAT) තහවුරු කර ඇත්තේ තායිලන්තයේ රඳවාගෙන සිටින තම පුරවැසියා වෙනුවෙන් අවශ්ය තානාපති සහ නීතිමය සහයෝගය ලබාදීමට කටයුතු කරමින් සිටින බවයි.
තායිලන්ත නීතියට අනුව මිනීමැරුම් චෝදනාවකට වරදකරු වුවහොත් ජීවිතාන්තය දක්වා සිරදඬුවම් හෝ මරණ දණ්ඩනය නියම විය හැකියි.
