වික්ටෝරියා ප්රාන්තයේ සේවකයන්ට සතියකට දින දෙකක් නිවසේ සිට වැඩ කිරීමේ අයිතිය ලබාදෙන නව නීති හඳුන්වාදීමට සැලසුම් කර තිබුණද, ඒ පිළිබඳව විවිධ මත පළවෙමින් තිබෙනවා.
බඳවා ගැනීම් විශේෂඥ Graham Wynn අනතුරු අඟවන්නේ “ඔබේ රැකියාව නිවසේ සිට කළ හැකි නම්, එය ලෝකයේ ඕනෑම තැනකින් කළ හැකි රැකියාවක් විය හැකි බවයි.
ඔහු පෙන්වා දෙන්නේ එවැනි තත්ත්වයක් යටතේ සමාගම් අඩු වියදමක් සඳහා රැකියා විදේශයන්ට යොමු කිරීමේ අවදානමක් පවතින බවයි.
එමෙන්ම කාර්යාලයට නිතර පැමිණෙන සේවකයන්ට උසස්වීම්, වැටුප් වැඩිවීම් සහ නව අවස්ථා ලබාදීමේදී ප්රමුඛතාව හිමිවිය හැකි බවත් සඳහන්.
මානව සම්පත් විශේෂඥයන් පවසන්නේ “proximity bias” හෙවත් කළමනාකාරීත්වයට නිතර පෙනී සිටින සේවකයන්ට වාසි සැලසීමේ ප්රවණතාවය වැඩි විය හැකි බවයි.
කෙසේ වෙතත්, නව නීතියට සහාය දක්වන ව්යාපාරිකයන් පෙන්වා දෙන්නේ නිවසේ සිට වැඩ කිරීමෙන් සේවක තෘප්තිය, ඵලදායිතාව සහ පවුල් ජීවිතයේ සමතුලිතතාව ඉහළ යන බවයි.
මෙම නීති පාර්ලිමේන්තුවේ අනුමැතිය ලැබුවහොත් බොහෝ සේවා ස්ථාන සඳහා සැප්තැම්බර් 1 සිට ක්රියාත්මක වන අතර, මතභේද ඇතිවුවහොත් ඒවා විසඳීම සඳහා VEOHRC සහ VCAT ආයතන මැදිහත් වනු ඇති.
