වික්ටෝරියා ප්රාන්තය පුරා මත්ද්රව්ය අධික ලෙස භාවිතා කිරීම හේතුවෙන් සිදුවන හදිසි මරණ අවම කිරීමේ අරමුණින් නොමිලේ ජීවිතාරක්ෂක ඖෂධ බෙදාහැරීමේ යන්ත්ර 20ක් ස්ථාපනය කිරීමට ප්රාන්ත රජය පියවර ගෙන තිබෙනවා.
මෙම යන්ත්ර මඟින් Naloxone නම් ඖෂධය නොමිලේ ලබාගත හැකි අතර, හෙරොයින් සහ fentanyl වැනි ප්රබල මත්ද්රව්ය අධික ලෙස භාවිතා කිරීමෙන් පුද්ගලයෙකුගේ හුස්ම ගැනීම නතර වීමේ අවදානමක් ඇති අවස්ථාවලදී ජීවිත බේරාගැනීමට මෙම ඖෂධය භාවිතා කරනවා.
සතියේ දින 7ම, පැය 24 පුරා මෙම යන්ත්රවලින් ඖෂධය ලබාගත හැකි වන අතර, පළමු යන්ත්ර කිහිපය Melbourne හි රෝහල් සහ සෞඛ්ය මධ්යස්ථානවල ස්ථාපනය කර තිබෙනවා.
ඉදිරි මාස කිහිපය තුළ තවත් ප්රදේශ රැසකට මෙම වැඩසටහන ව්යාප්ත කිරීමට නියමිත බවයි වික්ටෝරියානු රජය පවසන්නේ.
පසුගිය වසර කිහිපය තුළ මත්ද්රව්ය අධික ලෙස භාවිතා කිරීම හේතුවෙන් හදිසි රෝගී තත්ත්වයන් සහ මරණ සංඛ්යාව ඉහළ යාමත් සමඟ, ජීවිත බේරාගත හැකි මෙම ඖෂධය ජනතාවට වඩාත් පහසුවෙන් ලබාදීම මෙම වැඩසටහනේ ප්රධාන අරමුණ බවයි සඳහන් වන්නේ.
