ඔස්ට්රේලියාවේ අධ්යාපනය සඳහා යාමට බලාපොරොත්තු වන ශ්රී ලාංකික සිසුන්ටත් ශිෂ්ය වීසා ලබාගැනීම මේ වනවිට වැඩි අභියෝගයක් වී තිබෙනවා.
ඔස්ට්රේලියානු රජය ජාත්යන්තර ශිෂ්ය වීසා පද්ධතිය දැඩි කිරීමත් සමඟ ඉන්දියාව, නේපාලය, බංග්ලාදේශය ඇතුළු දකුණු ආසියානු රටවලින් කරන අයදුම්පත් විශාල ප්රමාණයක් ප්රතික්ෂේප වෙමින් පවතින බවයි වාර්තා වන්නේ.
2026 පෙබරවාරි මාසයේදී විදේශීය විශ්වවිද්යාල ශිෂ්ය වීසා ප්රතික්ෂේප අනුපාතය සියයට 32.5 දක්වා ඉහළ ගොස් ඇති අතර, එය වසර 20කට ආසන්න කාලයක ඉහළම අගය ලෙස සැලකෙනවා.
ඔස්ට්රේලියානු බලධාරීන් පවසන්නේ ව්යාජ ලේඛන, අසත්ය මූල්ය තොරතුරු සහ “non-genuine students” සම්බන්ධ ගැටලු හේතුවෙන් වීසා පරීක්ෂණ දැඩි කර ඇති බවයි.
මේ අතර අධ්යාපන ක්ෂේත්ර විශේෂඥයින් අනතුරු අඟවන්නේ, නිසි මාර්ගෝපදේශ නොමැතිව අයදුම් කිරීම නිසා සත්ය සුදුසුකම් ඇති සිසුන්ටත් වීසා ප්රතික්ෂේප වීමේ අවදානම ඉහළ යා හැකි බවයි.
විශේෂයෙන් ජාත්යන්තර සිසුන්ට උපදෙස් දී ඇත්තේ, ලේඛන නිවැරදිව සකස් කිරීම, අධ්යාපන හා මූල්ය තොරතුරු සත්ය ලෙස ඉදිරිපත් කිරීම සහ විශ්වාසදායක, ලියාපදිංචි migration / education agents මාර්ගයෙන් පමණක් අයදුම් කිරීම වැදගත් බවයි.
විශේෂඥයින් පෙන්වා දෙන්නේ “shortcut” ක්රම හෝ ව්යාජ ලේඛන භාවිතය හේතුවෙන් ඔස්ට්රේලියා වීසා අවස්ථාද අවදානමට ලක්විය හැකි බවයි.
