ඔස්ට්රේලියාවේ ජීවත් වන ශ්රී ලංකාවේ උපන් ජනගහනය 2024 ජූනි අවසන් වන විට 172,800 දක්වා ඉහළ ගොස් ඇති බව ඔස්ට්රේලියානු සංඛ්යාලේඛන කාර්යාංශය (ABS) පවසනවා.
එය 2014 වසරේ වාර්තා වූ 115,060 සංඛ්යාවට සාපේක්ෂව 50.2%ක දැවැන්ත වර්ධනයක් ලෙසයි සැලකෙන්නේ.
මේ අනුව ශ්රී ලාංකිකයන් ඔස්ට්රේලියාවේ 10 වන විශාලතම සංක්රමණික ප්රජාව බවට පත්ව තිබෙනවා.
මෙම සංඛ්යාව ඔස්ට්රේලියාවේ විදේශ උපන් ජනගහනයෙන් 2%ක්ද, සමස්ත ජනගහනයෙන් 0.6%ක්ද නියෝජනය කරනු ලබන බවයි සංඛ්යා ලේඛන දෙපාර්තමේන්තු වෙබ් අඩවියේ දැක්වෙනවා.
සංඛ්යාලේඛන අනුව, ඔස්ට්රේලියාවේ සිටින ශ්රී ලංකාවේ උපන් පුද්ගලයින්ගේ මධ්ය වයස අවුරුදු 40.9ක් වන අතර, එය ඔස්ට්රේලියානු සාමාන්ය ජනගහනයට වඩා අවුරුදු 2.5කින් වැඩි වනවා.
එමෙන්ම, ශ්රී ලාංකික ප්රජාව තුළ පිරිමි ප්රතිශතය 51.8%ක් ලෙසත්, කාන්තා ප්රතිශතය 48.2%ක් ලෙසත් වාර්තා වී තිබෙනවා.
මේ අතර ස්ථිර වීසා ලබාගත් ශ්රී ලාංකිකයන්ගේ සංඛ්යාවත් ඉහළ ගොස් තිබෙනවා.
ඔස්ට්රේලියානු අභ්යන්තර කටයුතු දෙපාර්තමේන්තුවේ දත්ත අනුව, 2024–25 කාලය තුළ ශ්රී ලංකාවෙන් ඔස්ට්රේලියාවට ස්ථිර පදිංචිය සඳහා වීසා ලබාගත් සංඛ්යාව 9,444ක් දක්වා ඉහළ ගොස් ඇති බවයි වාර්තා වන්නේ.
එය 2021–22 කාලයේදී වාර්තා වූ 2,801 සංඛ්යාවට සාපේක්ෂව විශාල වර්ධනයක්.
විශේෂයෙන්ම Regional visa, State/Territory Nominated සහ Employer Sponsored කාණ්ඩවල වැඩි ඉල්ලුමක් පවතින බවද දත්ත පෙන්වාදෙනවා.
2024–25 කාලයේදී පමණක් Regional වීසා – 3,611ක්, State/Territory Nominated – 2,010ක්, Employer Sponsored – 1,984 සහ Partner වීසා – 1,080ක් යටතේ ශ්රී ලාංකිකයින්ට ස්ථිර පදිංචිය ලබාගැනීමට අවස්ථාව උදාවී තිබෙනවා.
විශේෂඥයින් පවසන්නේ ශ්රී ලාංකිකයන්ගේ උසස් අධ්යාපනය, වෘත්තීය නිපුණතා සහ සෞඛ්ය, IT, ඉංජිනේරු හා ප්රාදේශීය සේවා ක්ෂේත්රවල ඇති ඉල්ලුම මෙම වර්ධනයට ප්රධාන හේතුව බවයි.
