ලෝක ප්රකට ෆෝමියුලා වන් (Formula One) ක්රීඩා ලෝලීන් දැඩි කම්පනයට පත් කරමින්, ඔස්ට්රේලියානු සුපිරි තරුවක් වන ඔස්කාර් පියස්ට්රිට මෙවර ඔස්ට්රේලියානු Grand Prix තරගාවලිය අහිමි වී තිබෙනවා.
අද මෙල්බන්හි ඇල්බට් පාර්ක් ධාවන පථයේදී තරගය ආරම්භ වීමටයි නියමිතව තිබුණේ.
එහෙත්, තරගය ආරම්භය සඳහා සිය රථය නියමිත ස්ථානයට රැගෙන යන අතරතුර පියස්ට්රි පැදවූ මැක්ලරන් රථය පාලනය කරගත නොහැකිව ආරක්ෂිත වැටක ගැටී දරුණු අනතුරකට ලක්වුණා.
මෙම අනතුරින් රථයේ ඉදිරිපස රෝදයට සහ බඳ කොටසට දැඩි හානි සිදුව ඇති අතර, තරගය ආරම්භ කිරීමටත් පෙර ඉන් ඉවත් වීමට ඔහුට සිදු වුණා.
අනතුරින් පියස්ට්රිට කිසිදු තුවාලයක් සිදුව නැහැ.
කෙසේ වෙතත් මැක්ලරන් කණ්ඩායම පවසන්නේ අනතුරට හේතුව සෙවීමට දත්ත පරීක්ෂා කරමින් සිටින බවයි.
මවුබිමේදී ජයග්රහණයක් බලාපොරොත්තුවෙන් සිටි එකම ඔස්ට්රේලියානු ක්රීඩකයා මෙලෙස තරගයෙන් ඉවත්වී යාම ප්රේක්ෂකයින්ගේ දැඩි කණගාටුවට ද හේතු වී තිබෙනවා.
