තම කණ්ඩායමට බාහිරව පැමිණෙන අධික සෘණාත්මක අදහස්, පන්දු යවන්නන්ට වාසිදායක පිච් එක සහ ප්රධාන ක්රීඩකයින්ගේ ශරීර යෝග්යතා ගැටළු ශ්රී ලංකා කණ්ඩායමේ ලෝක කුසලාන පරාජයට හේතු වූ බව නායක දසුන් ශානක පවසනවා.
ශ්රී ලංකාව ඊයේ R. Premadasa Stadium (ඛෙත්තාරාම ක්රීඩාංගණය) හි නවසීලන්තය සමග පැවති තරගයෙන් ලකුණු 61කින් පරාජයට පත්වී අර්ධ අවසන් වටයේ අවස්ථාව අහිමි කළ පළමු කණ්ඩායම බවට පත්වුණා.
තරගයට පෙර සිටම කණ්ඩායමට දැඩි විවේචන එල්ල වූ බවත්, එම “negativity” අදහස් ක්රීඩකයින්ගේ මානසිකත්වයට බලපාන බවත් ශානක සඳහන් කළා.
අනාගත ක්රීඩකයින්ගේ මානසික සෞඛ්යය ආරක්ෂා කිරීම සඳහා රජය මැදිහත් විය යුතු බවයි ඔහු පෙන්වා දෙන්නේ.
මෙම ලෝක කුසලාන තරගාවලියේදී ශ්රී ලංකාව- සිම්බාබ්වේ, එංගලන්තය සහ නවසීලන්තය වෙතින් අඛණ්ඩ පරාජයන්ට ලක් වුණා.
එසේම කණ්ඩායමට වැදගත් ක්රීඩකයින් කිහිපදෙනෙකු ආබාධ වලට ලක් වීමත් දැඩි බලපෑමක් වුණා.
Wanindu Hasaranga , Matheesha Pathirana සහ Eshan Malinga ක්රීඩකයින්ට ආබාධ හේතුවෙන් තරග අහිමි වුණා.
“ෆිට්නස් අනිවාර්ය කරුණක් විය යුතුයි. ආබාධවලින් පෙළුණු ක්රීඩකයින් ගණන වැඩි වුණාම හොඳ ප්රතිඵලයක් ලැබීම අපහසු බවයි ශානක වැඩිදුරටත් කියා සිටියේ.
මෙවර, ලෝක කුසලාන තරගාවලියේදී බලාපොරොත්තු ඉටු කිරීමට නොහැකි වීම පිළිබඳව දසුන් ශානක රසිකයින්ගෙන් සමාව ඉල්ලා සිටියා.
