Perth නගරයේ Victoria Park ප්‍රදේශයේ පිහිටි මන්ත්‍රී Hannah Beazleyගේ කාර්යාලයට ආයුධයක් රැගෙන පුද්ගලයෙකු පැමිණ තර්ජනාත්මක ලෙස හැසිරුණු බවට ලැබුණු තොරතුරක් අනුව WA Police හදිසි ලෙස ක්‍රියාත්මක වී තිබෙනවා.

පොලිසිය පවසන්නේ අදාළ පුද්ගලයා ‘nunchuck’ ආයුධයක් අතැතිව තර්ජන කර ඇති බවට වාර්තා වූ බවයි.

සිද්ධියෙන් පසුව, 56 හැවිරිදි පුද්ගලයෙකු අසල Bentley ප්‍රදේශයේදී පොලිසිය විසින් සොයාගෙන ඇති අතර, ඔහු මේ වනවිට විමර්ශන සඳහා පොලිසියට සහාය වෙමින් සිටිනවා.

සිද්ධියෙන් කිසිවෙකුටත් තුවාල සිදුවී නොමැති බව පොලිසිය තහවුරු කර තිබෙනවා.

මන්ත්‍රී Hannah Beazley පවසන්නේ තම කාර්යාලයේ සේවකයින් මෙම සිද්ධියෙන් දැඩි ලෙස කම්පනයට පත්ව ඇති අතර තම ප්‍රධාන අවධානය ඔවුන්ගේ ආරක්ෂාව සහ සුභසාධනය වෙත යොමු වී ඇති බවයි.

මෙම සිද්ධිය වාර්තා වන්නේ Victoria හි Wangaratta ප්‍රදේශයේදී ෆෙඩරල් මන්ත්‍රී Helen Haines වෙත එල්ල වූ බරපතළ ප්‍රහාරයෙන් දින කිහිපයකට පසුවයි.

ඒ අනුව, කෙටි කාලයක් තුළ දේශපාලන නියෝජිතයන් සම්බන්ධයෙන් මෙවැනි සිදුවීම් දෙකක් වාර්තා වීමත් සමඟ, ඔස්ට්‍රේලියාවේ මන්ත්‍රීවරුන් සහ රාජ්‍ය නිලධාරීන් සඳහා පවතින ආරක්ෂක ක්‍රම ප්‍රමාණවත්ද යන ප්‍රශ්නය නැවතත් දැඩි අවධානයට ලක්ව තිබෙනවා