ඔස්ට්‍රේලියාවේ 2027 වසර සඳහා වාර්ෂික නිවාඩු දින සැලසුම් කරගන්නා සේවකයන්ට, Public Holidays සහ සති අන්ත නිවැරදිව යොදාගැනීමෙන් දිගු නිවාඩු කාලයක් ලබාගැනීමට අවස්ථාව සැලසෙනවා.

නව නිවාඩු සැලසුමකට අනුව, Annual Leave දින 23ක් භාවිත කරමින් වසර පුරා දින 50කට වැඩි කාලයක් නිවාඩු ලබාගත හැකි අතර, ඇතැම් සැලසුම් යටතේ එය දින 56ක් දක්වා ඉහළ යනවා.

ජනවාරි මාසයේ Australia Day නිවාඩුවට ආසන්න දින හතරක් නිවාඩු ලබාගැනීමෙන් දින නවයක විවේක කාලයක් සකසාගත හැකියි.

එමෙන්ම, මාර්තු සහ අප්‍රේල් මාසවල Easter නිවාඩු කාලය සමඟ Annual Leave දින හතරක් එක් කිරීමෙන් අඛණ්ඩව දින දහයක් නිවාඩු ලබාගැනීමටත් හැකියාව පවතිනවා.

ජූනි මාසයේ King’s Birthday නිවාඩුව සහ වසර අවසානයේ Christmas හා New Year නිවාඩු ද මේ සඳහා ප්‍රයෝජනවත් වන අතර, ඇතැම් අවස්ථාවල නිවාඩු දින තුනක් පමණක් භාවිත කර දින දහයක විවේකයක් ලබාගත හැකියි.

කෙසේ වෙතත්, Victoria ඇතුළු එක් එක් ප්‍රාන්තයේ Public Holidays වෙනස් වන බැවින්, තමන් සේවය කරන ප්‍රාන්තයට අදාළ දින පරීක්ෂා කරගැනීම වැදගත්.

මෙම ක්‍රමය මඟින් නිවාඩු දින කල්තියා සැලසුම් කරගනිමින්, අඩු Annual Leave ප්‍රමාණයක් භාවිත කර වැඩි විවේක කාලයක් ලබාගැනීමට ඔස්ට්‍රේලියානු සේවකයන්ට අවස්ථාව සැලසෙනවා.