ඔස්ට්‍රේලියාවේ ඉහළ වැටුප් ලබන රැකියා අතරින් වැඩිම ඉල්ලුමක් වාර්තා වන තනතුරු පිළිබඳ නව තොරතුරු අනාවරණය වී තිබෙනවා.

රැකියා වෙළෙඳපොළේ දත්ත අනුව, Electrical Project Engineer තනතුරු සඳහා ඉල්ලුම වසරක් තුළ 94%කින් ඉහළ ගොස් ඇති අතර, එම තනතුරේ සාමාන්‍ය වාර්ෂික වැටුප $149,043ක්.

Mining Engineer තනතුරු සඳහාද ඉල්ලුම 87%කින් වර්ධනය වී ඇති අතර, සාමාන්‍ය වාර්ෂික වැටුප $173,323ක් ලෙස සඳහන් වෙනවා.

එමෙන්ම, Project Engineer රැකියා සඳහා ඉල්ලුම 65%කින් ඉහළ ගොස් ඇති අතර, එම තනතුරේ සාමාන්‍ය වැටුප වසරකට $157,015ක්.

මේ අතර, Commercial Manager තනතුර සඳහා වාර්ෂිකව සාමාන්‍යයෙන් $208,298ක වැටුපක් දැන්වීම්වල සඳහන් වීම විශේෂත්වයක්.

යටිතල පහසුකම් ව්‍යාපෘති, පතල් හා බලශක්ති ක්ෂේත්‍රයේ වර්ධනය සහ නව තාක්ෂණික ආයෝජන මෙම රැකියා සඳහා ඉල්ලුම ඉහළ යාමට බලපාන සාධක ලෙස පෙන්වා දෙනවා.

කෙසේ වෙතත්, මෙම වැටුප් සාමාන්‍ය අගයන් වන අතර, සැබෑ වැටුප රැකියා ස්ථානය, සුදුසුකම් සහ පළපුරුද්ද අනුව වෙනස් විය හැකියි.