Victoria ප්‍රාන්තයේ Bellarine Peninsula හි Point Lonsdale ප්‍රදේශයේ ඉදිකිරීමට යෝජිත Coles සුපිරි වෙළෙඳසැල් ව්‍යාපෘතිය වැළැක්වීම සඳහා Greater Geelong කවුන්සිලය පියවර ගෙන තිබෙනවා.

ඒ අනුව, අදාළ ඉඩම සංචාරක කර්මාන්තයට අදාළ කටයුතු සඳහා වෙන් කිරීමේ අරමුණින් එහි land zoning වෙනස් කරන ලෙස Victoria රජය වෙත ඉල්ලීමක් ඉදිරිපත් කිරීමට කවුන්සිලය කටයුතු කර ඇති බවයි වාර්තා වෙන්නේ.

Bellarine Highway මාර්ගය ආසන්නයේ පිහිටි මෙම ඉඩම සම්බන්ධයෙන් මේ වන විට ප්‍රදේශවාසීන් අතර විවිධ අදහස් පළ වෙමින් පවතිනවා.

මෙම Coles සුපිරි වෙළෙඳසැල ඉදිකිරීම හේතුවෙන් ඒ ආසන්නයේ පිහිටි ආරක්ෂිත තෙත්බිම් පරිසරයට, සංක්‍රමණික පක්ෂීන්ගේ වාසස්ථානවලට සහ වෙරළාශ්‍රිත පරිසරයට බලපෑම් ඇති විය හැකි බවට ව්‍යාපෘතියට විරෝධය පළ කරන පිරිස් පෙන්වා දෙනවා.

මේ අතර, Coles සමාගම සඳහන් කර ඇත්තේ මෙම ව්‍යාපෘතිය තවමත් මූලික සාකච්ඡා සහ සැලසුම් අදියරේ පවතින බවයි.

දැනට වාර්තා වන ආකාරයට, තවමත් මේ සඳහා විධිමත් සැලසුම් අයදුම්පතක් ද ඉදිරිපත් කර තිබුණේ නැහැ.

Greater Geelong Council විසින් ඉදිරිපත් කර ඇති මෙම යෝජනාව පිළිබඳ අවසන් තීරණය ගැනීමට Victoria රජයේ තීරණය වැඳගත් වනු ඇති.