ඔස්ට්‍රේලියාවේ වැඩිහිටි සත්කාර ක්ෂේත්‍රය විදේශීය සේවකයන් මත දැඩිව රඳා පවතින අතර, සංක්‍රමණ සංඛ්‍යාව අඩු කිරීමේ යෝජනා හේතුවෙන් දැනටමත් පවතින සේවක හිඟය තවත් උග්‍ර විය හැකි බව ක්ෂේත්‍ර නියෝජිතයන් අනතුරු අඟවනවා.

මේ හේතුවෙන් aged care සහ disability care වැනි අත්‍යවශ්‍ය සේවා සඳහා විදේශීය සේවකයන්ට වෙනම Essential Skills Visa මාර්ගයක් හඳුන්වා දෙන ලෙස Ageing Australia සහ CEDA ඉල්ලා තිබෙනවා.

Orange හි Uniting Wontama aged care centre එකේ සේවකයන්ගෙන් 51%ක් විදේශ රටවලින් පැමිණි අය වන අතර, එහි සමස්ත සේවකයන්ගෙන් 104 දෙනෙකුම Nepal පසුබිමක් සහිත බවයි සේවා කළමනාකාරී Rosie Dunnett පවසන්නේ.

Ageing Australia අනුව, රට පුරා residential aged care workforce එකෙන් 51%ක්ම විදේශ රටවල උපන් අය වන අතර, මේ දශකය අවසන් වනවිට අමතර care workers 110,000ක් පමණ අවශ්‍ය වනු ඇතැයි ගණන් බලා තිබෙනවා.

Philippines සිට student visa එකකින් ඔස්ට්‍රේලියාවට පැමිණ aged care ක්ෂේත්‍රයේ සේවය කරන Rose Buen පවසන්නේ, නව visa ප්‍රතිපත්ති තම ජීවිතයට සහ අනාගත රැකියා සැලසුම්වලට සෘජුව බලපාන නිසා තමන් බියෙන් සිටින බවයි.

CEDA ගණනය අනුව student සහ partner visas වැනි temporary visas මත ඔස්ට්‍රේලියාවට පැමිණ aged care personal care roles වල සේවය කරන පුද්ගලයන් 70,000ක් පමණ සිටිනවා.

කෙසේවෙතත්, Home Affairs පවසන්නේ aged care සේවකයන් දැනටත් priority processing ලැබෙන health occupations අතරට ඇතුළත් වන බවයි. Coalition පාර්ශවයද තම migration cuts aged care workforce එකට හානි නොකරන බව පවසනවා.