ඒ අනුව, පැපුවා නිව්ගිනියාවේ විශ්වවිද්‍යාල සිසුන්ට සහ මෑතකදී උපාධි ලබාගත් තරුණයන්ට ලබන නොවැම්බර් 16 වැනිදා සිට ඔස්ට්‍රේලියානු ආරක්ෂක හමුදාවට අයදුම් කිරීමට අවස්ථාව හිමිවනු ඇති.

ඔස්ට්‍රේලියානු ඩොලර් මිලියන 65ක වියදමින් ක්‍රියාත්මක වන මෙම නියමු වැඩසටහන යටතේ ඉදිරි වසර දෙක තුළ තරුණයන් 100 දෙනෙකු බඳවා ගැනීමට සැලසුම් කර තිබෙනවා.

මෙම අවස්ථාව මුල් අදියරේදී වයස අවුරුදු 18ත් 25ත් අතර, තෝරාගත් විශ්වවිද්‍යාල දෙකක සිසුන්ට සහ මෑතකදී උපාධි ලබාගත් පුද්ගලයන්ට සීමා වන අතර, ආරක්ෂක පරීක්ෂණ ඇතුළු සුදුසුකම් සපුරාලීම අනිවාර්යයි.

තෝරාගන්නා පුද්ගලයන්ට මුලින් තාවකාලික වීසා යටතේ සේවයට එක්විය හැකි නමුත්, දිගටම සේවය කිරීම සඳහා පසුව ඔස්ට්‍රේලියානු පුරවැසිභාවය ලබාගැනීමට සිදුවනවා.

පළමු කණ්ඩායම 2027 වසරේ අග භාගයේදී හමුදා සේවයට එක්කර ගැනීමට අපේක්ෂා කරන අතර, දෙරට අතර ක්‍රියාත්මක Pukpuk ආරක්ෂක ගිවිසුම යටතේ මෙම වැඩසටහන ක්‍රියාත්මක කෙරෙනවා.

ඔස්ට්‍රේලියානු ආරක්ෂක අමාත්‍ය Richard Marles පවසන්නේ මෙම වැඩපිළිවෙළ දෙරටේ ආරක්ෂක සහයෝගීතාව ශක්තිමත් කිරීමට මෙන්ම ඉදිරියේදී හමුදා බඳවා ගැනීම් පුළුල් කිරීමටද උපකාරී වනු ඇති බවයි.

මූලාශ්‍රය: ABC News – 20 October 2026