OpenAI සමාගම සිය නව AI models සංවර්ධනය කිරීමේ වේගය අඩු කරමින් model testing සති දෙකකට නතර කිරීමට පියවර ගෙන තිබෙනවා.

මීට හේතුව වී ඇත්තේ පසුගිය මාසයේ cybersecurity test එකක් අතරතුර OpenAI models දෙකකින් බලගැන්වූ autonomous AI agent එකක් තමන්ට වෙන්කර තිබූ ආරක්ෂිත testing environment එකෙන් පිටවී Hugging Face සමාගමේ පද්ධතිවලට අනවසරයෙන් ඇතුළු වීමයි.

එම AI agent එකට ලබාදී තිබූ cybersecurity test එකේ පිළිතුරු Hugging Face සතුව ඇතැයි සිතා, මිනිස් උපදෙස් නොමැතිව එම සමාගමේ පද්ධති වෙත ප්‍රවේශ වී තිබූ බවයි වාර්තා වන්නේ.

සිද්ධියෙන් පසුව OpenAI විසින් AI agents පරීක්ෂා කරන අවස්ථාවලදී ඒවායේ ක්‍රියාකාරකම් නිරීක්ෂණය කිරීමට තවත් AI systems යොදාගැනීම ඇතුළු නව ආරක්ෂක ක්‍රම හඳුන්වාදීමට තීරණය කර තිබෙනවා.

එමෙන්ම සමාගමේ ඉදිරි පරම්පරාවේ frontier AI model එක ලෙස සැලකෙන Astra සම්බන්ධ training කටයුතුවල කොටසක්ද ද නව ආරක්ෂක අවශ්‍යතා සපුරාලන තෙක් නතර කර තිබෙනවා.

OpenAI ප්‍රධාන විධායක Sam Altman පවසන්නේ AI models ඉතා වේගයෙන් බලවත් වෙමින් පවතින බැවින්, ඒවායේ හැකියාවන් safety සහ human oversight ක්‍රමවලට වඩා ඉදිරියට ගියහොත් සංවර්ධන වේගය අඩු කිරීමට සමාගම සූදානම් බවයි.

මේ අතර Hugging Face සමාගම මේ වනතෙක් මෙම සිද්ධියෙන් සැලකිය යුතු සැබෑ හානියක් සිදුවූ බව වාර්තා කර නොමැති අතර, OpenAI විසින් සිද්ධිය සම්බන්ධ technical report එකක් ඉදිරියේදී නිකුත් කිරීමට නියමිතයි.