ශ්රී ලංකාව ජාත්යන්තර සිවිල් ගුවන් සේවා සංවිධානයේ ICAO ප්රමිතීන්ට අනුකූල e-Passport හඳුන්වාදීමට සැලසුම් කර තිබෙනවා.
මහජන ආරක්ෂක අමාත්ය ආනන්ද විජේපාල පාර්ලිමේන්තුවේදී සඳහන් කළේ, මෙම නව විද්යුත් ගමන් බලපත්රය වසරක් ඇතුළත හඳුන්වාදීමට බලාපොරොත්තු වන බවයි.
e-Passport ආරක්ෂාව සඳහා අවශ්ය Public Key Infrastructure (PKI) පද්ධතිය ලබාගැනීමට නව ප්රසම්පාදන ක්රියාවලියක් ආරම්භ කර ඇති අතර, ඉදිරියේදී ටෙන්ඩර් කැඳවීමට නියමිතයි.
කටුනායක බණ්ඩාරනායක ජාත්යන්තර ගුවන් තොටුපළේ මේ වනවිට e-gates 4ක් ස්ථාපනය කර තිබෙනවා.
ඉදිරි වසර තුළ තවත් e-gates 12ක් ස්ථාපනය කර මගීන්ගේ ගුවන් තොටුපළ කටයුතු වඩාත් වේගවත් කිරීමටයි රජය සැලසුම් කර ඇත්තේ.
නව P-series ගමන් බලපත්රයේ පිටු සංඛ්යාව පෙර තිබූ 64 සිට 48 දක්වා අඩු කර තිබුණත්, එයින් ගැටලුවක් ඇති වී නොමැති බව අමාත්යවරයා පවසනවා.
ශ්රී ලංකා ගමන් බලපත්ර තවදුරටත් ජාත්යන්තර ප්රමිතීන්ට අනුකූලව පවතින බවද අමාත්යවරයා අවධාරණය කළා.
