වික්ටෝරියාවේ ජනප්රිය Phillip Islandහි වෙසෙන කුඩා පෙන්ගුවින් සතෙකු H5N1 මාරාන්තික කුරුළු උණ වෛරසය ආසාදනය වීමෙන් මියගොස් තිබෙනවා.
ප්රාන්ත ප්රධාන පශු වෛද්ය නිලධාරී Graeme Cooke විසින් තහවුරු කරන ලද නව H5N1 වෛරස් ආසාදිතයන් තිදෙනාගෙන් එක් අයෙකු වන්නේ මෙම පෙන්ගුවින් පැටවායි.
මීට අමතරව Lakes Entrance සහ Dromana යන ප්රදේශවලින් ද මියගිය පක්ෂීන් දෙදෙනෙකු හමු වී තිබෙනවා.
මේ වන විට වික්ටෝරියා ප්රාන්තයෙන් වාර්තා වන මුළු කුරුළු උණ රෝගීන් සංඛ්යාව 74 දක්වා ඉහළ ගොස් ඇති අතර, සැබෑ සංඛ්යාව මීට වඩා වැඩි විය හැකි බවයි බලධාරීන් පවසන්නේ.
කෙසේ වෙතත්, මෙම පෙන්ගුවින් මරණය වාර්තා වුවද, ලබන සඳුදා සිට ආරම්භ කිරීමට නියමිත පෙන්ගුවින් එන්නත්කරණ වැඩසටහන නතර නොකරන බව බලධාරීන් තහවුරු කරනවා.
එමෙන්ම සංචාරකයින් අතර අතිශය ජනප්රිය ෆිලිප් දූපතේ ‘Penguin Parade’ නැරඹුම් කලාපය ද සාමාන්ය පරිදි විවෘතව තැබෙනු ඇති.
මේ අතර ඉදිරි වසන්ත ප්රජනන සමයේදී පක්ෂීන් විශාල වශයෙන් එකතු වීම නිසා වෛරසය වේගයෙන් ව්යාප්ත වීමේ අවදානමක් ද පවතිනවා.
එම තර්ජනයෙන් දුර්ලභ පක්ෂි විශේෂ ආරක්ෂා කර ගැනීමට උපරිමයෙන් කටයුතු කරන බවයි වනජීවී බලධාරීන් වැඩිදුරටත් සඳහන් කරන්නේ.
