ඔස්ට්රේලියාවේ වාහන රක්ෂණ ගාස්තු වේගයෙන් ඉහළ යාම සම්බන්ධයෙන් ASIC විසින් රක්ෂණ සමාගම්වල මිල නියම කිරීමේ ක්රමවේදය දැඩිව විවේචනය කර තිබෙනවා.
2025 ජූලි දක්වා මාස 12 තුළ මෝටර් රථ රක්ෂණ ගාස්තු 8%කින් ඉහළ ගොස් ඇති අතර, එය එම කාලයේ උද්ධමන අනුපාතයටත් වඩා වැඩි වර්ධනයක් බවයි වාර්තා වන්නේ.
2019 සිට 2024 දක්වා Car Insurance premiums 42%කින් පමණ ඉහළ ගොස් ඇති බවත් ASIC සමාලෝචනයෙන් පෙන්වාදෙනවා.
සාමාන්ය වාහන රක්ෂණ ගාස්තුව වසරක් ඇතුළත ඩොලර් 111කින් වැඩි වී, ඩොලර් 2,460ක් පමණ වී තිබෙනවා.
ASIC පවසන්නේ රක්ෂණ සමාගම් බොහෝවිට ගාස්තු වැඩිවීමට හේතු පාරිභෝගිකයන්ට පැහැදිලිව නොදක්වන බවයි.
විශේෂයෙන් තම රක්ෂණ සමාගම අමතා මිල වැඩිවීම ගැන ප්රශ්න කළ පාරිභෝගිකයන්ගෙන් තුනෙන් එකකට පමණ, policy එක වෙනස් නොකරම අඩු ගාස්තුවක් ලබාගැනීමට හැකි වී තිබෙනවා.
ඒ නිසා renewal notice එකේ ගාස්තුව විශාල ලෙස වැඩි වී ඇත්නම් එය නිකම්ම පිළිගැනීම වෙනුවට රක්ෂණ සමාගමෙන් පැහැදිලි කිරීමක් ඉල්ලා වෙනත් offers සමඟ සංසන්දනය කරන ලෙස ASIC පාරිභෝගිකයන්ට උපදෙස් දෙනවා.
