ක්වීන්ස්ලන්ඩ් ගුවන් භාණ්ඩ ලෙස පැමිණි පාර්සල් කිහිපයක් පරීක්ෂා කිරීමේදී ඩොලර් මිලියන 2කට වැඩි වටිනාකමකින් යුත් ව්යාජ මුදල් තොගයක් Australian Border Force නිලධාරීන් විසින් සොයාගෙන තිබෙනවා.
අදාළ පාර්සල් 12ක් තුළ ඔස්ට්රේලියානු ඩොලර් 2,000,850ක් සහ කැනේඩියානු ඩොලර් 850ක් වටිනා ව්යාජ නෝට්ටු තිබූ බවයි සඳහන් වන්නේ.
මෙම පාර්සල් ආසියානු රටකින් පැමිණ ඇති බවට විමර්ශනවලදී අනාවරණය වී තිබෙනවා.
ඒවා සියල්ල ක්වීන්ස්ලන්ඩ්හි එකම ලබන්නෙකුට යොමුකර තිබූ බවද බලධාරීන් පවසනවා.
මෙය ක්වීන්ස්ලන්ඩ්හි එක් පුද්ගලයෙකුට සම්බන්ධව මෙතෙක් අත්අඩංගුවට ගත් විශාලතම ව්යාජ මුදල් තොගය ලෙස සැලකෙනවා.
2025–26 මූල්ය වර්ෂයේදී පමණක් ව්යාජ මුදල් ආනයනය කිරීමට ගත් උත්සාහ 700කට ආසන්න සංඛ්යාවක් Border Force විසින් වැළැක්වූ බවද වාර්තා වනවා.
ව්යාජ මුදල් දැනුවත්ව ළඟ තබාගැනීම හෝ භාවිත කිරීම සම්බන්ධයෙන් වසර 12ක් දක්වා සිර දඬුවම් නියම කළ හැකියි.
