ඔස්ට්රේලියාවේ ශුද්ධ සංක්රමණික සංඛ්යාව (Net Migration) සීඝ්රයෙන් පහත හෙළීම සඳහා වන දැඩි ප්රතිපත්තිමය සංශෝධන කිහිපයක් ප්රකාශයට පත් කිරීමට නියමිතව තිබූ ස්වදේශ කටයුතු අමාත්ය Tony Burkeගේ National Press Club කතාව හදිසියේම කල් දමා තිබෙනවා.
එම යෝජනා සම්බන්ධයෙන් රජය අභ්යන්තරයේ පවතින මතභේදාත්මක තත්ත්වයන් මීට හේතු වී ඇති බවයි වාර්තා වන්නේ.
අදාළ සංශෝධන මගින් ඔස්ට්රේලියාවට සංචාරක වීසා මත පැමිණෙන පුද්ගලයින්ට රට තුළ සිටියදීම Family Visas සඳහා අයදුම් කිරීම තහනම් කිරීම, විදේශීය සිසුන් සහ සංචාරක රැකියා වීසාලාභීන් සඳහා සීමා පැනවීම සහ මානුෂීය වීසා අයදුම්කරුවන්ගේ අභියාචනා අයිතීන් සීමා කිරීම ඇතුළු යෝජනා ගණනාවක් ඇතුළත් වන බවට තොරතුරු වාර්තා වනවා.
කෙසේ වෙතත්, අමාත්යවරයාගේ ප්රකාශකයෙකු සඳහන් කර ඇත්තේ කතාවේ ඇතැම් කරුණු මෙතෙක් සම්පූර්ණයෙන්ම අවසන් කර නොමැති නිසා මෙම තීරණය ගත් බවයි.
පසුගිය කාලය තුළ විදේශිකයින්ට වීසා ගාස්තු ඉහළ නැංවීමටත්, විදේශයන්හි සිටින අයදුම්කරුවන්ට වඩා ඔස්ට්රේලියාව තුළ දැනටමත් සිටින ශ්රමිකයින්ට වීසා ලබාදීමේදී ප්රමුඛතාව ලබාදීමටත් රජය පියවර ගෙන තිබුණා.
මේ අතර ඉදිරි මැතිවරණය ඉලක්ක කරගනිමින් සංක්රමණිකයන් පැමිණීම පාලනය කිරීමට රජයට එල්ල වී ඇති පීඩනය හමුවේ මෙම තීරණය ඉතා වැදගත් වනු ඇතැයි දේශපාලන විචාරකයින් පවසනවා.
