වික්ටෝරියා ප්රාන්තයේ Epsom ප්රදේශයේ පදිංචි 49 හැවිරිදි පුද්ගලයෙකුට Huntly සහ Epsom ප්රදේශවල අසභ්ය ක්රියා කිහිපයක් සිදුකළ බවට Victoria Police විසින් චෝදනා ගොනු කර තිබෙනවා.
පොලීසිය පවසන්නේ, මැයි 11 සහ මැයි 18 යන දිනවල Huntlyහි Midland Highway අසල ක්රීඩාංගණයක් ආසන්නයේ ඔහු අසභ්ය ක්රියාවන් සිදුකර ඇති බවට සැක කරන බවයි.
එම අවස්ථාවේදී පාපන්දු පුහුණුව සඳහා පැමිණි දරුවන් ඇතුළු පිරිසක් ද එම ප්රදේශයේ සිට ඇති බව විමර්ශනවලදී අනාවරණය වී තිබෙනවා.
මේ අතර ජූලි 30 වැනිදා Epsomහි Howard Streetහි පිහිටි සුපිරි වෙළඳසැලක් ඉදිරිපිට ද ඔහු එවැනිම අසභ්ය ක්රියාවක් සිදුකළ බවට චෝදනා එල්ල වී තිබෙනවා.
සිද්ධියෙන් අනතුරුව සැකකරු එම ස්ථානයේදීම අත්අඩංගුවට ගෙන ඇති අතර, ඔහුගේ නිවසේ සිදුකළ සෝදිසියකදී විද්යුත් උපකරණ කිහිපයක් ද පොලිස් භාරයට ගැණුනා.
ඔහුට “sexual activity directed at another” චෝදනා 3ක් සහ “sexual exposure” චෝදනා 3ක් ගොනු කර ඇති අතර, සැප්තැම්බර් 10 වැනිදා Bendigo මහේස්ත්රාත් අධිකරණයේ පෙනී සිටීමට ඇප මත මුදාහැර තිබෙනවා.
