ඔස්ට්රේලියාවේ ඇතැම් Skilled visa අයදුම්පත් සලකා බලන ප්රමුඛතා ක්රමය 2026 ජූලි 25 සිට වෙනස් කර තිබෙනවා.
ඒ අනුව Ministerial Direction 119 නමැති නව නියෝගය ක්රියාත්මක කර ඇති අතර, එය පැරණි Ministerial Direction 105 වෙනුවට යොදා ගැනෙනවා.
මෙම නියෝගය දැනටමත් ඉදිරිපත් කර ඇති අයදුම්පත් ඇතුළු අදාළ සියලුම Skilled visa nomination සහ visa applications සඳහා බලපාන බවයි Home Affairs දෙපාර්තමේන්තුව පවසන්නේ.
මීට පෙර එම ක්රමයට ඇතුළත් නොවූ Skills in Demand Subclass 482 visa අයදුම්පත්ද නව ප්රමුඛතා ක්රමයට ඇතුළත් කර තිබෙනවා.
ඔස්ට්රේලියාවේ ආරක්ෂක සහ නීතිය ක්රියාත්මක කිරීමේ අවශ්යතා සඳහා වැදගත් රැකියාවලට ඉහළම ප්රමුඛතාව ලබාදෙන අතර, ඉදිකිරීම්, සෞඛ්ය සහ ගුරු වෘත්තීන්ටද ප්රමුඛතාව හිමිවනවා.
Visa අයදුම්පත ඉදිරිපත් කළ අවස්ථාවේ ඔස්ට්රේලියාව තුළ සිටි අයදුම්කරුවන්ට, විදේශගතව සිට අයදුම් කළ පුද්ගලයන්ට වඩා ඉහළ ප්රමුඛතාවක් ලැබෙනු ඇති.
කෙසේවෙතත් මෙය visa අනුමැතියක් සහතික කිරීමක් හෝ අයදුම්පත් සඳහා නව සුදුසුකම් අවශ්යතා හඳුන්වාදීමක් නොවන අතර, අයදුම්පත් සලකා බලන අනුපිළිවෙළ පමණක් තීරණය කරන ක්රමයක් බව පැහැදිලි කර තිබෙනවා.
මෙම වෙනස අයදුම්කරුගේ රැකියා ක්ෂේත්රය සහ visa අයදුම්පත ඉදිරිපත් කරන අවස්ථාවේ ඔහු හෝ ඇය ඔස්ට්රේලියාවේ සිටියේද, විදේශයක සිටියේද යන්න අනුව processing priority තීරණය කරන බවයි Home Affairs නිල වශයෙන් සඳහන් කරන්නේ.
