ඔස්ට්රේලියාවේ පොලිස් ආරක්ෂක තාක්ෂණ භාවිතය සම්බන්ධයෙන්, විශේෂයෙන් facial recognition technology පිළිබඳව නව සංවාදයක් මතුව තිබෙනවා.
අපරාධ හඳුනාගැනීම, සැකකරුවන් සොයා ගැනීම සහ මහජන ආරක්ෂාව වැඩි කිරීම සඳහා මුහුණු හඳුනාගැනීමේ පද්ධති භාවිත කළ හැකි බව පොලිස් බලධාරීන් පෙන්වා දෙනවා.
එහෙත් මෙම තාක්ෂණය භාවිත කිරීමේදී ජනතාවගේ පෞද්ගලිකත්වය සහ පුද්ගලික දත්ත ආරක්ෂාව පිළිබඳ ගැටලු මතුව තිබෙනවා.
විශේෂයෙන්ම, පුද්ගලයන්ගේ අවසරයකින් තොරව මුහුණු දත්ත එකතු කිරීම සහ ගබඩා කිරීම සම්බන්ධයෙන් සිවිල් සංවිධාන සහ තාක්ෂණ විශේෂඥයන් අවධානය යොමු කර ඇති බවටයි වාර්තාවන්නේ.
බලධාරීන් පවසන්නේ, මෙම තාක්ෂණය භාවිත කළ යුත්තේ පැහැදිලි නීති සහ දැඩි පාලනයක් යටතේ බවයි.
එමෙන්ම ආරක්ෂාව සහ පුද්ගලික නිදහස අතර සමබරතාවයක් පවත්වා ගැනීම මේ සම්බන්ධයෙන් ඇති ප්රධාන අභියෝගයක් බව සඳහන්.
කෙසේවෙතත් තාක්ෂණය වේගයෙන් දියුණු වන සමයක, ඔස්ට්රේලියාව තුළ facial recognition භාවිතය පිළිබඳ නීති සහ ජනතා විශ්වාසය තවදුරටත් වැදගත් කරුණක් බවට පත්ව තිබෙනවා.
