වික්ටෝරියාවේ පදිකයන්ගේ මරණ ඉහළ යාමත් සමඟ, මාර්ග හරහා ආරක්ෂිතව ගමන් කිරීමට අවශ්ය පහසුකම් වැඩි කරන ලෙස ඉල්ලීමක් ඉදිරිපත් වී තිබෙනවා.
Victoria Walks සංවිධානය, වසර හතරක් තුළ ඩොලර් මිලියන 150ක් වැය කර ප්රාන්තය පුරා පදික මාරු 1,000කට වැඩි සංඛ්යාවක් අලුතින් ඉදිකිරීමට හෝ වැඩිදියුණු කිරීමටයි යෝජනා කර ඇත්තේ.
2025 වසරේදී වික්ටෝරියා මාර්ගවල පදිකයන් 33 දෙනෙකු මියගොස් ඇති අතර, පසුගිය වසර පහේ සාමාන්යය 22ක් බවයි වාර්තා වන්නේ.
පදික මාරු නොමැති වීම, කැඩුණු හෝ ලිස්සන පදික මාර්ග සහ රාත්රී ආලෝක පහසුකම් හිඟය හේතුවෙන් වැඩිහිටියන්, ආබාධ සහිත පුද්ගලයන් සහ ළමා රථ සමඟ ගමන් කරන පවුල් අපහසුතාවට පත්වන බව සඳහන්.
Coburgහි Murray Road ප්රදේශයේ පසුගිය වසර තුන තුළ අනතුරු 23ක් සිදුව ඇති අතර, පුද්ගලයන් පස්දෙනෙකු බරපතළ තුවාල ලබා රෝහල්ගත කර තිබෙනවා.
වික්ටෝරියා රජය පවසන්නේ මාර්ග ආරක්ෂාව සඳහා ඩොලර් බිලියන 1.4කට වැඩි මුදලක් ආයෝජනය කරමින්, පදික මාරු 850කට වැඩි සංඛ්යාවක් ලබාදෙමින් සිටින බවයි.
