ඕස්ට්රේලියාවේ ශ්රී ලාංකික සිනමා ප්රේක්ෂකයන්ගේ දැඩි බලාපොරොත්තුවක් වූ “ක්රිකට් සාදු” ප්රදර්ශනයට සූදානම්
ශ්රී ලාංකික සිනමා ලෝලීන් අතර මේ වන විට විශාල කතාබහට ලක්ව ඇති “ක්රිකට් සාදු” චිත්රපටය ඉතා ඉක්මනින්ම ඕස්ට්රේලියාව සහ නවසීලන්තය පුරා සිනමාහල්වල තිරගත කිරීමට සියලු කටයුතු මේ වන විට අවසන් අදියරට පැමිණ තිබෙනවා.
මෙම චිත්රපටයේ ඕස්ට්රේලියානු සහ නවසීලන්ත නිල බෙදාහැරීමේ කටයුතු Mega Live Events ආයතනය විසින් සිදුකරන අතර, පසුගිය වසර කිහිපය තුළ ශ්රී ලාංකික සිනමාපට රැසක් සාර්ථකව ජාත්යන්තර ප්රේක්ෂකයන් වෙත රැගෙන ගිය එම ආයතනය තවත් දැවැන්ත සිනමා අත්දැකීමක් වෙනුවෙන් සූදානම් වෙමින් සිටිනවා.
ක්රිකට් ක්රීඩාව සහ මනුෂ්ය සබඳතා, සිහිනයන්, අරගලය සහ ජයග්රහණය එකට ගැලපෙන ආකාරයෙන් නිර්මාණය කර ඇති “ක්රිකට් සාදු”, ශ්රී ලංකාවේ පමණක් නොව විදේශගත ශ්රී ලාංකිකයන් අතරද විශාල උනන්දුවක් දිනාගෙන ඇති සිනමාපටයක් ලෙස සැලකේ.
මෙවර ඕස්ට්රේලියාවේ ප්රදර්ශනය සඳහා මෙල්බන්, සිඩ්නි, බ්රිස්බන්, පර්ත්, ඇඩිලේඩ්, කැන්බරා, ටස්මේනියා ඇතුළු ප්රධාන නගර රැසක වගේම Ballarat, Bendigo, Albury, Geenhills, Toowoomba වැනි regional නගර වලත් තිරගත කිරීමට නියමිත අතර, නවසීලන්තයේ ප්රධාන නගර සියල්ලේම එකවර ප්රදර්ශන සංවිධානය කිරීමට සැලසුම් කර තිබෙනවා.
චිත්රපටය සඳහා ප්රවේශපත්ර අලෙවිය මේවනවිට ආරම්භ කර ඇති අතර, පසුගිය ශ්රී ලාංකික සිනමා ප්රදර්ශනවලදී බොහෝ දර්ශන වාර ඉක්මනින්ම සම්පූර්ණයෙන්ම අලෙවි වූ බැවින්, ප්රේක්ෂකයන්ට ප්රවේශපත්ර කල්තියාම වෙන්කරවා ගැනීමට Mega Live Eventa ආරාධනා කරනවා.
විදේශගත ශ්රී ලාංකික ප්රේක්ෂකයන්ට මව්බිමේ සිනමා රසය නැවතත් සමීප කරවන තවත් සුවිශේෂී අවස්ථාවක් ලෙස “ක්රිකට් සාදු” ඕස්ට්රේලියානු සිනමා දින දර්ශනයේ සුවිශේෂී සටහනක් තබනු ඇති බවයි සිනමා ක්ෂේත්රයේ විශ්වාසය වන්නේ.
ප්රවේශපත්ර: http://www.MegaLive.Events
