NSW ප්රාන්තයේ ළමා සුරැකුම් මධ්යස්ථානයක සේවය කළ පුද්ගලයෙකුට එරෙහිව ළමා අපයෝජන සම්බන්ධ චෝදනා 320කට වැඩි සංඛ්යාවක් ගොනු කර ඇති බව බලධාරීන් පවසනවා.
අධිකරණ නියෝගයකින් පසුව සැකකරුගේ අනන්යතාවය ප්රසිද්ධියට පත් කර ඇති අතර, විමර්ශනය තවදුරටත් පුළුල් කරමින් සිටින බවයි වාර්තා වන්නේ.
මෙම පුද්ගලයා වික්ටෝරියා සහ නිව් සවුත් වේල්ස් ප්රාන්තවල ළමා සුරැකුම් මධ්යස්ථාන කිහිපයක සේවය කර ඇති බවද විමර්ශනවලදී අනාවරණය වී තිබෙනවා.
මෙම සිද්ධියට අදාළව තවත් දරුවන් හඳුනාගැනීම සහ පවුල්වලට අවශ්ය සහාය ලබාදීම සඳහා සෞඛ්ය හා පොලිස් බලධාරීන් ඒකාබද්ධ වැඩපිළිවෙළක් ක්රියාත්මක කර ඇත.
දරුවන්ගේ ආරක්ෂාවට ප්රමුඛත්වය දෙමින් ළමා සුරැකුම් ක්ෂේත්රයේ නියාමන ක්රමවේද තවදුරටත් ශක්තිමත් කරන බවයි ප්රාන්ත රජයන් ප්රකාශ කර තිබෙන්නේ.
මෙම නඩුවට අදාළ විමර්ශන අවසන් වන තෙක් තවත් චෝදනා ගොනු කිරීමේ හැකියාවද බැහැර කළ නොහැකි බව විමර්ශකයන් සඳහන් කරනවා.
දරුවන්ගේ පෞද්ගලිකත්වය සහ නීතිමය ක්රියාමාර්ගවල අඛණ්ඩතාව ආරක්ෂා කිරීම සඳහා වින්දිතයන් හඳුනාගත හැකි තොරතුරු ප්රසිද්ධ නොකරන ලෙසද බලධාරීන් මහජනතාවගෙන් ඉල්ලා තිබෙනවා.
