වික්ටෝරියා ප්රාන්තයේ Donald ග්රාමීය නගරය දැඩි ශෝකයට පත් කරමින් ඝාතනයට ලක්වූ 13 හැවිරිදි Layla Jeffery දැරිය සිහිපත් කරමින් ප්රදේශවාසීන් සහ ඇගේ පවුලේ සාමාජිකයින් එක්ව ඉටිපන්දම් දැල්වීමේ සංවේදී සැමරුමක් පවත්වා තිබෙනවා.
මෙම ඛේදවාචකයත් සමඟ මුළු නගරයම දැඩි කම්පනයට පත්ව ඇති අතර, ගම්බද නගරවල සුරක්ෂිතභාවය පිළිබඳව ද ප්රදේශවාසීන් තුළ දැඩි බියක් සහ සැකයක් මතු වී ඇති බවයි වාර්තා වන්නේ.
මේ අතර, ලයිලා ඝාතනය කළ බවට චෝදනා එල්ල වී සිටින 16 හැවිරිදි වියේ පසුවන සැකකාර තරුණයා, පොලිසිය සිදුකිරීමට ගිය අධිකරණ වෛද්ය පරීක්ෂණ සහ DNA සාම්පල ලබාගැනීමේ ක්රියාවලිය ප්රතික්ෂේප කර තිබෙනවා.
ඔහුගේ විත්ති පක්ෂ නීතිඥවරයා අධිකරණය හමුවේ තර්ක කර සිටියේ සැකකරු සංකීර්ණ රෝගී තත්ත්වයන්ගෙන් සහ ආබාධිත තත්ත්වයෙන් පෙළෙන බවයි.
එහෙත් එම විරෝධතාව ප්රතික්ෂේප කළ මහේස්ත්රාත්වරයා, මෙම නඩුවේ සාක්ෂි සඳහා කාලය ඉතා වැදගත් වන බැවින් වහාම ශාරීරික හා වෛද්ය පරීක්ෂණ සිදුකරන ලෙස නියෝග කළා.
ලබන සැප්තැම්බර් මාසයේදී මෙම නඩුවට අදාළ සාක්ෂි පොලිසිය විසින් අධිකරණයට ඉදිරිපත් කිරීමට නියමිත අතර, මූලික විභාගය (Committal Hearing) නොවැම්බර් මාසයේදී පැවැත්වීමට නියමිතයි.
ඒ වන තෙක් සැකකාර 16 හැවිරිදි තරුණයා දැඩි පොලිස් භාරයේ පසුවනු ඇති.
