Telstra ජංගම දුරකථන ජාල බිඳවැටීම අතරතුර Triple-0 හදිසි ඇමතුම් සේවාව භාවිත කිරීමට නොහැකි වීම හේතුවෙන් පුද්ගලයෙකු මියගිය බවට දකුණු ඔස්ට්රේලියානු සෙනෙට් සභිකවරියක් කළ ප්රකාශයක් පොලිසිය විසින් ප්රතික්ෂේප කර තිබෙනවා.
පොලිසිය සඳහන් කළේ, මේ දක්වා එවැනි මරණයක් Telstra ජාල බිඳවැටීම සමඟ සෘජුව සම්බන්ධ වූ බවට කිසිදු සාක්ෂියක් හෝ තහවුරු කළ තොරතුරක් නොමැති බවයි.
කෙසේ වෙතත්, ජාල බිඳවැටීම හේතුවෙන් Triple Zero (000) හදිසි ඇමතුම් රැසක් අසාර්ථක වූ අතර, බලධාරීන් විසින් අදාළ පුද්ගලයන් සම්බන්ධයෙන් සුබසාධන පරීක්ෂණ (Welfare Checks) සිය ගණනක් ද සිදු කර ඇත.
මෙම බිඳවැටීමෙන් පසු Australian Communications and Media Authority හෙවත් ACMA විසින් Telstra සේවා විශ්වාසනීයත්වය සහ හදිසි ඇමතුම් වගකීම් පිළිබඳ විමර්ශනයක් ආරම්භ කර තිබෙනවා.
රජය පවසන්නේ Triple-0 වැනි ජීවිතාරක්ෂක සේවාවන් සඳහා සන්නිවේදන පද්ධති වඩාත් ශක්තිමත් කිරීම අත්යවශ්ය බවයි.
මේ අතර Telstra සමාගමද මෙම ජාල බිඳවැටීමට හේතුව සයිබර් ප්රහාරයක් නොව, දත්ත මධ්යස්ථානවල කාල සමමුහුර්ත පද්ධතියේ (Time synchronisation system) මෘදුකාංග දෝෂයක් බව තහවුරු කර ඇති අතර, සිද්ධිය සම්බන්ධයෙන් විමර්ශන තවදුරටත් ක්රියාත්මක බවයි මාධ්ය වැඩිදුරටත් සඳහන් කරන්නේ.
