රාත්රී කාලයේදී ජංගම දුරකථනය ඇඳ මත හෝ කොට්ටය අසල චාජ් කිරීමට තබා නින්දට යාම පිළිබඳ දැඩි අනතුරු ඇඟවීමක් නිකුත් කර තිබෙනවා.
මෙම සුළු නොසැලකිලිමත්කම හේතුවෙන් මුළු නිවසම විනාශ විය හැකි බවටයි නිව් සවුත් වේල්ස් ප්රාන්ත ගිනි නිවන බලධාරීන් පවසන්නේ.
NSW ගිනි නිවන සහ මුදවා ගැනීමේ අංශ (Fire and Rescue NSW) පෙන්වා දෙන්නේ ජංගම දුරකථන charge වීමේදී එහි ඇති Lithium-ion batteries මඟින් විශාල තාපයක් ජනනය වන බවයි.
දුරකථනය ඇඳ ඇතිරිලි, රෙදි හෝ කොට්ට මත තබා charge කරන විට එම තාපය පිටවීමට ඉඩක් නොලැබී ඇතුළතම සිරවීම නිසා ක්ෂණිකව ගිනි ගැනීම් සිදුවිය හැකියි.
මේ වන විට ඔස්ට්රේලියාවේ නිවාස, සේවා ස්ථාන සහ අපද්රව්ය බැහැර කරන ස්ථානවල සිදුවන ප්රධාන ගිනි අනතුරක් බවට මෙම ලිතියම් බැටරි පත්ව තිබෙනවා.
මේ අතර, නිල ලාංඡන සහිත නිවැරදි charger පවා රැය පුරා plug එකට සම්බන්ධ කර තිබීමෙන් ගිනි පුපුරු පිටවිය හැකි බව බලධාරීන් පවසනවා.
ගිනි නිවන අංශ ජනතාවගෙන් ඉල්ලා සිටින්නේ දුරකථන හෝ බැටරි charge කිරීමේදී ඒවා කොට්ට, ඇඳ ඇතිරිලි මත නොව දැවෙන සුළු නොවන ලී හෝ ලෝහ වැනි තද මතුපිටක් (Hard surfaces) මත පමණක් තැබීමට පියවර ගන්නා ලෙසයි.
දුරකථනය Fully charged වූ පසු වහාම එය චාජරයෙන් ඉවත් කරන ලෙසත්, රාත්රී කාලයේදී අවධානයකින් තොරව චාජ් වීමට නොතබන ලෙසත් ඔවුන් උපදෙස් දෙනවා.
එමෙන්ම ඔස්ට්රේලියාව තුළ භාවිත කරන සියලුම චාජර්වල “Regulatory Compliance Mark” (RCM) මුද්රාව තිබීම අනිවාර්ය වන අතර, එවැනි සලකුණක් නොමැති නීතිවිරෝධී ව්යාජ චාජර් භාවිතයෙන් වළකින ලෙස ද දන්වා තිබෙනවා.
