ටැස්මේනියාවේ ජනප්රිය “Neil the Seal” නම් Southern elephant seals සත්වයා පෙට්රල් පිරවුම්හලක නවතා තිබූ වාහනයක් මතට නැගී කලබලයක් ඇති කර තිබෙනවා.
කිලෝග්රෑම් 1000කට ආසන්න බරකින් යුතු මෙම සත්වයා වාහනය සෙලවමින් එයට හානි සිදුකළ බවයි මාධ්ය වාර්තා කරන්නේ.
පෙට්රල් පිරවුම්හලේ සේවකයින් ලී පුවරුවක් සහ කඹයක් භාවිත කරමින් නීල් එම ස්ථානයෙන් ඉවත් කිරීමට කටයුතු කර තිබෙනවා.
වනජීවී විශේෂඥයින් පවසන්නේ වෙනත් සීල් සතුන් නොමැති හෙයින් ඔහුගේ සෙල්ලම් සහ ශක්තිය පරීක්ෂා කිරීමේ හැසිරීම් වාහන හා වෙනත් වස්තූන් සමග සිදුකරන බවයි.
නීල්ගේ ජනප්රියත්වය හේතුවෙන් ඔහු දැක ගැනීමට විශාල පිරිසක් රැස්වන බැවින් එය සත්වයාටත් ජනතාවටත් අවදානමක් බව බලධාරීන් පෙන්වා දෙනවා.
එම නිසා නීල්ට ආසන්න නොවී ආරක්ෂිත දුරක් පවත්වා ගන්නා ලෙස ටැස්මේනියා බලධාරීන් ජනතාවගෙන් ඉල්ලා සිටිනවා.
2020 වසරේ උපත ලැබූ නීල් සම්පූර්ණයෙන් වැඩුණු පසු කිලෝග්රෑම් 3000කට වඩා බරින් යුතු Southern elephant seals සත්වයෙකු බවට පත්වනු ඇතැයි අපේක්ෂා කෙරෙනවා.
