නිවසකින් තවත් නිවසකට පදිංචිය මාරු කිරීමේදී කුලී නිවැසියන්ට මුහුණ දීමට සිදුවන මූල්ය පීඩනය අවම කිරීම සඳහා ඕස්ට්රේලියාවේ ප්රථම වරට හඳුන්වා දෙන Portable Rental Bond හෙවත් ස්ථාන මාරු කළ හැකි ඇප මුදල් ක්රමය ලබන ජූලි පළමුවැනිදා සිට වික්ටෝරියා ප්රාන්තයේදී ආරම්භ වනවා.
ලේබර් රජය විසින් හඳුන්වා දෙන මෙම නව ක්රමවේදය හරහා, වික්ටෝරියානු කුලී නිවැසියන්ට තමන් කලින් පදිංචිව සිටි නිවස වෙනුවෙන් තැන්පත් කළ ඇප මුදල, නව නිවස සඳහා සෘජුවම මාරු කිරීමට අවස්ථාව හිමිවනවා.
මේ හේතුවෙන් පැරණි ඇප මුදල නැවත ලැබෙන තෙක්, තවත් අතිරේක ඩොලර් දහස් ගණනක් වියදම් කරමින් නව ඇප මුදලක් ගෙවීමට කුලී නිවැසියන්ට සිදු නොවන බවයි වාර්තා වන්නේ.
කුලී නිවැසියන් පිළිබඳ අමාත්ය Paul Edbrooke පවසන්නේ, නිවාස මාරු කිරීම යනු එකවර ඇප මුදල් දෙකක් ගෙවිය යුතු අවස්ථාවක් නොවිය යුතු බවයි.
ජූලි 1 වැනිදා සිට එම පීඩනය මුළුමලින්ම ඉවත් වන බව ද ඔහු සඳහන් කළා.
ලබන මස සිට කුලී නිවැසියන්ට මේ සඳහා Online ඔස්සේ අයදුම් කළ හැකියි.
මෙය ලේබර් පක්ෂය විසින් කුලී නිවැසියන් වෙනුවෙන් හඳුන්වා දුන් 150කට අධික ප්රතිසංස්කරණ මාලාවක නවතම පියවරක්.
මීට පෙර කුලී මිල ගණන් ලංසු තැබීම (Rental Bidding) තහනම් කිරීම සහ කිසිදු සාධාරණ හේතුවක් නොමැතිව පදිංචිකරුවන් නිවෙස්වලින් ඉවත් කිරීම (No-fault Evictions) තහනම් කිරීම වැනි පියවර රැසක් රජය විසින් ගෙන තිබුණා.
