දකුණු ඕස්ට්රේලියාවේ ගෘහස්ථ, පවුල් සහ ලිංගික හිංසනයෙන් පීඩාවට පත්වන පුද්ගලයින්ට නිවාස හිමිකාරීත්වය ලබාගැනීමට සහය වීම සඳහා 100%ක stamp duty සහනයක් ලබාදීමට ප්රාන්ත රජය තීරණය කර තිබෙනවා.
මෙම නව වැඩසටහන 2026-27 රාජ්ය අයවැය යටතේ හඳුන්වා දී ඇති අතර, සුදුසුකම් ලබන අය නව හෝ පවතින නිවසක් මිලදී ගැනීමේදී සම්පූර්ණ stamp duty නිදහසක් ලබාගැනීමට හැකි වනවා.
එමෙන්ම සුදුසුකම් සපුරන පිරිස් සඳහා First Home Owner Grant ලබාගැනීමේ අවස්ථාවද විවෘත කර ඇති බවද සඳහන්.
මේ සඳහා 2026 ජූනි 4 වැනිදා හෝ ඊට පසුව අත්සන් කරන ලද නිවාස හෝ ඉඩම් ගිවිසුම් අදාළ වන බවයි South Australia අගමැති මාධ්ය අංශය සඳහන් කරන්නේ.
මෙම සහනය ලබාගැනීමට නම් ගෘහස්ථ හෝ පවුල් හිංසනය හේතුවෙන් තම පෙර නිවස අත්හැර යාමට සිදුව තිබිය යුතු අතර, එම දේපළෙන් සැලකිය යුතු මූල්ය ප්රතිලාභයක් ලබා නොතිබිය යුතු බවද නියම කර තිබෙනවා.
දකුණු ඕස්ට්රේලියානු අගමැති Peter Malinauskas පවසන්නේ ගෘහස්ථ හිංසනයෙන් පලා යන බොහෝ කාන්තාවන් නිවාස නොමැති තත්ත්වයකට පත්වන බවත්, මෙම වැඩසටහන ඔවුන්ට ආරක්ෂිත සහ ස්වාධීන ජීවිතයක් නැවත ආරම්භ කිරීමට උපකාරී වන බවයි.
මෙම පියවර, ගෘහස්ථ හා පවුල් හිංසනය පිළිබඳ රාජකීය කොමිසමේ නිර්දේශ ක්රියාත්මක කිරීම සඳහා වසර 10ක් පුරා ඩොලර් මිලියන 674ක් ආයෝජනය කරන රාජ්ය සැලැස්මේ කොටසක් ලෙස හඳුන්වා දී තිබෙනවා.
