වසරකට පෙර වික්ටෝරියා ප්රාන්තයේදී පොලිස් නිලධාරීන් දෙදෙනෙකු වෙඩි තබා ඝාතනය කර, මාස 7ක් පුරා සැඟව සිටි Dezi Freemanට සහාය දුන් බවට සැකකෙරෙන පුද්ගලයන් දෙදෙනෙකු අත්අඩංගුවට ගැනීමට පොලිසිය සමත්ව තිබෙනවා.
වික්ටෝරියාවේ ඊසානදිග ප්රදේශ දෙකකදී සිදුකළ විශේෂ මෙහෙයුමකදී මෙම පුද්ගලයන් දෙදෙනා අත්අඩංගුවට ගත් බවයි වික්ටෝරියා පොලිසිය තහවුරු කළේ.
පසුගිය වසරේ අගෝස්තු මාසයේදී Porepunkahහිදී සිදුවූ මෙම වෙඩි තැබීමෙන් ජ්යෙෂ්ඨ කොස්තාපල් Vadim De Waart-Hottart සහ රහස් පරීක්ෂක Neil Thompson ජීවිතක්ෂයට පත්වුණා.
ඉන් අනතුරුව අතුරුදන් Dezi Freeman සොයා ඔස්ට්රේලියානු ඉතිහාසයේ දැවැන්තම මෙහෙයුමක් දියත් කෙරුණු අතර, පසුගිය මාර්තු මාසයේදී පොලිස් වෙඩි ප්රහාරයකින් ඔහු මියගියා.
විමර්ශන අංශ සැක කරන්නේ අත්අඩංගුවට ගත් මෙම පුද්ගලයන් දෙදෙනා, Freemanට එක් ප්රදේශයක සිට තවත් ප්රදේශයකට මාරුවීමට සහ සැඟව සිටීමට අවශ්ය පහසුකම් සලසා දී ඇති බවයි.
සැකකරුවන් මේ වන විට දැඩි ප්රශ්න කිරීම්වලට ලක් කෙරෙන බව ද වාර්තා වනවා.
